ദിലീപിന്റെ മൊബൈൽ ഫോണ് സര്വീസ് ചെയ്തിരുന്ന സര്വീസ് സെന്റര് ഉടമയുടെ മരണത്തില് പുനരന്വേഷണം ആവശ്യപ്പെട്ട് കുടുംബത്തിന്റെ പരാതി.കൊടകര കോടാലി സ്വദേശി സലീഷ് എന്ന യുവാവ് 2020 ഓഗസ്റ്റ് 30നാണ് വാഹനാപകടത്തില് മരിച്ചത്. ഇയാളുടെ കുടുംബം അങ്കമാലി പോലീസില്ആണ് പരാതി നല്കിയത്.
ഷലീഷ് ഓടിച്ചിരുന്ന കാര് മീഡിയനിലേക്ക് ഇടിച്ചുകയറിയാണ് അപകടമുണ്ടായത്. സംഭവത്തില് അന്വേഷണം നടത്തിയ പോലീസും ഇതേകാര്യം തന്നെയാണ് കണ്ടെത്തിയത്. അങ്കമാലി ടെല്ക്കിന് സമീപത്തുവെച്ചായിരുന്നു അപകടം. എറണാകുളം പെന്റാമേനകയില് മൊബൈല്ഫോണ് സര്വീസ് നടത്തി വന്നിരുന്നയാളാണ് സലീഷ്. ദിലീപിന്റെ മൊബൈല്ഫോണുകള് സലീഷാണ് സര്വീസ് നടത്തിയിരുന്നത്.
മരണത്തില് സംശയങ്ങളുണ്ടെന്നും പുനരന്വേഷണം വേണെന്നുമാണ് ഷലീഷിന്റെ കുടുംബം ഇപ്പോള് പറയുന്നത്. പുനരന്വേഷണം ആവശ്യപ്പെട്ടുള്ള പരാതി നിലവില് ദീലിപിനെതിരേ അന്വേഷണം നടത്തുന്ന ക്രൈംബ്രാഞ്ച് സംഘത്തിന് കൈമാറാനും സാധ്യതയുണ്ട്.
