രാജ്യത്ത് ആശങ്കയായി കോവിഡ് കേസുകള് ഉയരുന്നു. 24 മണിക്കൂറിനിടെ 16,764 പേര്ക്ക് പുതുതായി രോഗം സ്ഥിരീകരിച്ചു. 220 പേര് വൈറസ് ബാധയെ തുടര്ന്ന് മരിച്ചതായി കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു.24 മണിക്കൂറിനിടെ 7585 പേർ രോഗമുക്തി നേടി. നിലവില് 91,361 പേരാണ് ചികിത്സയില് കഴിയുന്നത്. അതേസമയം ഒമൈക്രോണ് ബാധിതരുടെ എണ്ണം 1270 ആയി ഉയര്ന്നു.
മഹാരാഷ്ട്രയിലാണ് ഏറ്റവുമധികം ഒമൈക്രോണ് കേസുകള്. 450 പേര്ക്കാണ് വൈറസ് ബാധ സ്ഥിരീകരിച്ചത്. ഡല്ഹി 320, കേരളം 109, ഗുജറാത്ത് 97, കര്ണാടക 34, തമിഴ്നാട് 46,രാജസ്ഥാന് 69 എന്നിങ്ങനെയാണ് മറ്റു സംസ്ഥാനങ്ങളിലെ ഒമൈക്രോണ് ബാധിതര്.
