ഉരുള്പൊട്ടലില് തകര്ന്ന വയനാടിന് സഹായവുമായി നടന് അല്ലു അര്ജുന്. മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപയാണ് നടന് സംഭാവന നല്കിയത്. വയനാട്ടില് സംഭവിച്ച ഉരുള്പൊട്ടലില് താന് അതീവ ദുഃഖിതനാണെന്ന് അല്ലു അര്ജുന് പറഞ്ഞു. കേരളം എല്ലായ്പ്പോഴും തനിക്ക് ഒരുപാട് സ്നേഹം തന്നിട്ടുണ്ടെന്നും പുനരധിവാസ പ്രവര്ത്തനങ്ങള്ക്ക് സഹായമാകാന് മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ സംഭാവന ചെയ്യുന്നുവെന്നും താരം സോഷ്യല് മീഡിയയില് കുറിച്ചു. ജനങ്ങളുടെ സുരക്ഷയ്ക്കുവേണ്ടി പ്രാര്ഥിക്കുന്നുവെന്നും നടന് കൂട്ടിച്ചേര്ത്തു.
