കല്പറ്റ: ഉപതെരഞ്ഞെടുപ്പ് നടക്കുന്ന വയനാട് ലോക്സഭാ മണ്ഡലത്തില് നിന്ന് ശോഭാ സുരേന്ദ്രന് ബിജെപി സ്ഥാനാര്ഥിയായി മത്സരിക്കും. കേന്ദ്ര നേതൃത്വമാണ് ശോഭയുടെ പേര് നിര്ദേശിച്ചത്. സംസ്ഥാന നേതൃത്വവും ശോഭയുടെ പേരിനോട് എതിര്പ്പ് കാണിച്ചില്ല. വയനാട്ടിലെ സ്ഥാനാര്ഥിത്വവുമായി ബന്ധപ്പെട്ട് മറ്റ് അവകാശവാദങ്ങള് ഉണ്ടായിരുന്നില്ലെന്നാണ് വിവരം. തെരഞ്ഞെടുപ്പ് വിജ്ഞാപനം വന്നതിനു ശേഷം തീരുമാനം ഔദ്യോഗികമായി പ്രഖ്യാപിക്കാനാണ് നേതൃത്വത്തിന്റെ തീരുമാനം.
ഉപതെരഞ്ഞെടുപ്പ് വരുന്ന പാലക്കാട് നിയോജക മണ്ഡലത്തില് ശോഭയെ പരിഗണിക്കേണ്ടെന്നായിരുന്നു ബിജെപിയുടെ തീരുമാനം. പകരം സി. കൃഷ്ണകുമാറിനെയാണ് സ്ഥാനാര്ഥിയാക്കാന് ബിജെപി തീരുമാനിച്ചത്.
