സ്വര്ണക്കടത്ത് കേസില് എം ശിവശങ്കറിന്റെ ജാമ്യം അടിയന്തിരമായി റദ്ദാക്കണമെന്ന് ആവശ്യപ്പെട്ട് ഇ ഡി സുപ്രീം കോടതിയില് . ജാമ്യത്തില് ഇറങ്ങിയ ശേഷം സര്ക്കാര് സംവിധാനം ഉപയോഗിച്ച് അന്വേഷണം അട്ടിമറിക്കാന് ശ്രമിക്കുന്നുവെന്നും ഇ ഡി. അന്വേഷണ ഉദ്യോഗസ്ഥര്ക്കെതിരേ വ്യാജ തെളിവുകള് ഉണ്ടാക്കാന് ശ്രമിക്കുന്നതായും ആരോപണമുണ്ട്. ലൈഫ് അഴിമത്തിക്കേസ് അന്വേഷിക്കുന്ന ഇ.ഡി. ഉദ്യോഗസ്ഥര്ക്ക് എതിരേ കഴിഞ്ഞ ദിവസമാണ് ക്രൈംബ്രാഞ്ച് കേസെടുത്തത്. മുഖ്യമന്ത്രിയുടെ പേര് പറയാന് സ്വപ്നാ സുരേഷിന് മേല് അന്വേഷണസംഘം സമ്മര്ദ്ദം ചെലുത്തിയെന്നാണ് കേസ്.ശിവശങ്കറിന് ജാമ്യം അനുവദിച്ചുകൊണ്ടുള്ള ഹൈക്കോടതി ഉത്തരവിനെതിരെ എന്ഫോഴ്സ്മെന്റ് ഡയറക്ടറേറ്റ് നല്കിയ ഹര്ജി നിലവില് സുപ്രീം കോടതിയുടെ പരിഗണനയിലാണ്.
