കണ്ണൂര്: മൊറാഴ കൂളിച്ചാലില് ഇതരസംസ്ഥാന തൊഴിലാളിയെ വെട്ടിക്കൊന്ന കേസിലെ പ്രതി അറസ്റ്റില്. പശ്ചിമബംഗാളിലെ ബര്ദ്ദാമന് സിമുഗുളാച്ചി സ്വദേശി ദലീം ഖാന് എന്ന ഇസ്മായിലാണ്(33)കൊല്ലപ്പെട്ടത്.
ഇതരസംസ്ഥാന തൊഴിലാളിയായ ഗുഡുവെന്ന് വിളിക്കുന്ന സുജോയ് കുമാര് എന്നയാളാണ് ദലീംഖാനെ വെട്ടി കൊലപ്പെടുത്തിയത്. ഞായറാഴ്ച്ച രാത്രി എട്ടു മണിയോടെ ഇവര് താമസിക്കുന്ന വാടക വീടിന്റെ ടെറസില് വച്ചാണ് ദലീം ഖാനെ വെട്ടി കൊലപ്പെടുത്തിയത്. ഓട്ടോറിക്ഷയില് റെയില്വെ സ്റ്റേഷനിലേക്ക് രക്ഷപ്പെടാനുള്ള ശ്രമത്തിനിടെ ഓട്ടോ ഡ്രൈവര് തന്ത്രപരമായി പ്രതിയെ വളപട്ടണം സ്റ്റേഷനിലെത്തിക്കുകയായിരുന്നു.
