ക്വാറന്റീന് ലംഘിക്കുന്നവര്ക്ക് ഇന്ന് മുതല് കടുത്ത പിഴയീടാക്കാനും സ്വന്തം ചിലവില് നിര്ബന്ധിത ക്വാറന്റീനില് വിടാനും സര്ക്കാര് തീരുമാനം.ചീഫ് സെക്രട്ടറിയാണ് ഇത് സംബന്ധിച്ച് ബന്ധപ്പെട്ടവര്ക്ക് നിര്ദേശം നല്കിയിരിക്കുന്നത്. സംസ്ഥാനത്ത് രോഗ വ്യാപന നിരക്ക് രൂക്ഷമായി തുടരുന്ന സാഹചര്യത്തിലാണ് പുതിയ നടപടി.രണ്ടാഴ്ച കൊണ്ട് സ്ഥിതി കൂടുതൽ നിയന്ത്രണ വിധേയമാക്കലാണ് ലക്ഷ്യം.
വീടുകളില് ക്വാറന്റീനില് കഴിയുന്നവരെയും ഐസലേഷനില് കഴിയുന്നവന്നരെയും കര്ശന നിരീക്ഷണത്തിന് വിധേയമാക്കും. ക്വാറന്റീന് ലംഘിച്ചാല് അഞ്ഞൂറ് രൂപക്ക് മുകളില് കടുത്ത പിഴ ചുമത്താനാണ് സര്ക്കാര് തീരുമാനം. വിദേശ രാജ്യങ്ങളില് നിന്ന് സംസ്ഥാനത്തേക്ക് തിരിച്ചെത്തുന്നവര് മാനദണ്ഡങ്ങള് പാലിച്ചുകൊണ്ട് ക്വാറന്റീന് പൂര്ത്തിയാക്കുന്നുണ്ടോയെന്നും നിരീക്ഷിക്കും. ലോക്ഡൗണ് ഏര്പ്പെടുത്തിയിരിക്കുന്ന പ്രദേശങ്ങളില് പുറത്തിറങ്ങി നടക്കുന്നവര്ക്കെതിരെയും കര്ശന നടപടിയുണ്ടാകും.
മറ്റു സംസ്ഥാനങ്ങളിലേതു പോലെ രോഗം നിയന്ത്രിച്ചിട്ട് സ്കൂളുകള് തുറന്നാല് മതിയെന്നാണ് പൊതുധാരണ. രോഗനിരക്ക് ഉയര്ന്നുനില്ക്കുമ്പോള് സ്കൂള് തുറന്നാല് അതു തിരിച്ചടിയുണ്ടാക്കിയേക്കാമെന്ന വിലയിരുത്തലിലാണ് വിദ്യഭ്യാസ വകുപ്പും സര്ക്കാരും .
