വീണ്ടും സര്വകാല റെക്കോര്ഡില് സ്വര്ണവില. 200 രൂപയാണ് ഇന്ന് പവന് കൂടിയിരിക്കുന്നത്. ഇതോടെ ഒരു പവന് സ്വര്ണത്തിന്റെ ഇന്നത്തെ നിരക്ക് 74,560 രൂപയാണ്. ഒരു ഗ്രാം 22 കാരറ്റ് സ്വര്ണത്തിന്റെ വില 25 രൂപ കൂടി 9320 രൂപയിലെത്തി. തുടര്ച്ചയായ നാലാം ദിനവും സ്വര്ണവില വര്ധിക്കുന്ന കാഴ്ച്ചയാണ് വിപണിയില് കാണാന് സാധിക്കുന്നത്. ഇന്നലെ മാത്രം സ്വര്ണത്തിന് 1560 രൂപയാണ് കൂടിയത്. ഒരു ഗ്രാം വെള്ളിവില 120.10 രൂപയിലെത്തി.
രാജ്യാന്തര തലത്തില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വം സ്വര്ണ വിലയെ വലിയ രീതിയില് സ്വാധീനിക്കുന്നുണ്ട്. സ്വര്ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്ണം ഇറക്കുമതി ചെയ്യുന്ന ബാങ്കുകളുടെ നിരക്ക് (bank rate), കസ്റ്റംസ് ഡ്യൂട്ടി എന്നിവയാണ് സ്വര്ണത്തിന്റെ വില നിര്ണയിക്കുന്നതിന്റെ അടിസ്ഥാന ഘടകങ്ങള്. കഴിഞ്ഞ മാസങ്ങളില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് സ്വര്ണവില ഉയരാന് ഇടയാക്കിയത്.
