തിരുവനന്തപുരം: മുന് മുഖ്യമന്ത്രിയും മുതിര്ന്ന സിപിഎം നേതാവുമായ വിഎസ് അച്യുതാനന്ദന് ഗുരുതരാവസ്ഥയില് തുടരുന്നുവെന്ന് ദേശീയ ജനറല് സെക്രട്ടറി എംഎ ബേബി. വിഎസ് മരുന്നുകളോട് പ്രതികരിക്കുന്നത് പ്രതീക്ഷ നല്കുന്നുവെന്ന് എംഎ ബേബി പറഞ്ഞു. തിരുവനന്തപുരത്തെ സ്വകാര്യ ആശുപത്രിയിലെത്തി വിഎസിനെ സന്ദര്ശിച്ചതിന് ശേഷമായിരുന്നു ബേബിയുടെ പ്രതികരണം.
തുടര്ച്ചയായ ഡയാലിസിസ് ഇന്നുമുതല് തുടങ്ങും. അദ്ദേഹത്തിന്റെ നിശ്ചയദാര്ഢ്യം കൊണ്ട് ഈ ആരോഗ്യ അവസ്ഥയെ വിഎസ് മറികടക്കും എന്നാണ് പ്രതീക്ഷിക്കുന്നതെന്നും എംഎ ബേബി മാധ്യമങ്ങളോട് പ്രതികരിച്ചു. അതേസമയം, നേരത്തെ ഇറക്കിയ മെഡിക്കല് ബുള്ളറ്റിന് പ്രകാരം വിഎസിന്റെ ആരോഗ്യാവസ്ഥ ഗുരുതരമായി തുടരുകയാണ്. ആന്തരികാവയവങ്ങളുടെ പ്രവര്ത്തനം കാര്യക്ഷമമല്ലെന്നാണ് സര്ക്കാര് നിയോഗിച്ച തിരുവനന്തപുരം മെഡിക്കല് കോളേജിലെ സംഘത്തിന്റെ വിലയിരുത്തല്.
