പ്രധാനമന്ത്രി നരേന്ദ്ര മോദിയുടെ അമേരിക്കൻ സന്ദർശനത്തിന് ഇന്ന് തുടക്കം. വ്യാഴാഴ്ച നടക്കുന്ന ഉഭയകക്ഷി ചര്ച്ചയില് യു.എസ്. പ്രസിഡന്റ് ജോ ബൈഡനുമായി പ്രധാനമന്ത്രി കൂടിക്കാഴ്ച നടത്തുമെന്ന് വിദേശകാര്യ സെക്രട്ടറി ഹര്ഷ് വര്ധന് ശ്രിംഗ്ള പറഞ്ഞു. ദേശീയ സുരക്ഷാ ഉപദേഷ്ടാവ് അജിത് ഡോവൽ, വിദേശകാര്യ സെക്രട്ടറി ഹർഷ് വർധൻ ശൃംഗ്ല എന്നിവരടങ്ങിയ ഉന്നതസംഘവും ഒപ്പമുണ്ട്.
വ്യവസായ നിക്ഷേപ സഹകരണങ്ങള് എങ്ങനെ മെച്ചപ്പെടുത്താം, പ്രതിരോധ സുരക്ഷാ സഹകരണങ്ങള് എങ്ങനെ ശക്തമാക്കാം, ശുദ്ധമായ ഊര്ജത്തെ പ്രോത്സാഹിപ്പിക്കല് തുടങ്ങിയ വിഷയങ്ങള് ചര്ച്ചയാകുമെന്ന് ശ്രിംഗ്ള പറഞ്ഞു. അഫ്ഗാനിസ്ഥാനിലെ സമീപകാല സംഭവവികാസങ്ങളുടെ പശ്ചാത്തലത്തില് മേഖലയിലെ നിലവിലെ സുരക്ഷയും ചര്ച്ചയാകുമെന്ന് ശ്രിംഗ്ള പറഞ്ഞു.
ഇന്ത്യന് വംശജയായ യു.എസ്. വൈസ് പ്രസിഡന്റ് കമലാ ഹാരിസുമായും മോഡി കൂടിക്കാഴ്ച നടത്തും. ഇന്ന് യു.എസ്. പ്രസിഡന്റ് ആതിഥ്യം വഹിക്കുന്ന ആഗോള കോവിഡ് 19 ഉച്ചകോടിയിലും പ്രധാനമന്ത്രി പങ്കെടുക്കും
യു.എസ്. പ്രസിഡന്റ് ജോ ബൈഡനുമായുള്ള നേരിട്ടുള്ള കൂടിക്കാഴ്ചയാണു സന്ദര്ശനത്തിന്റെ പ്രധാനലക്ഷ്യം. ഓസ്ട്രേലിയ, ജപ്പാന് എന്നീ രാജ്യങ്ങളുടെ പ്രധാനമന്ത്രിമാരും ഉള്പ്പെട്ട ക്വാഡ് സഖ്യ നേതാക്കളുടെ കൂടിക്കാഴ്ച, യു.എന്. പൊതുസഭയെ അഭിസംബോധന ചെയ്യല് എന്നിവയും സന്ദര്ശനത്തിന്റെ മുഖ്യലക്ഷ്യങ്ങളാണ്.
കോവിഡ് വ്യാപനത്തിനു ശേഷം മോദിയുടെ രണ്ടാമത്തെ വിദേശ സന്ദർശനമാണിത്. മാർച്ചിൽ ബംഗ്ലദേശ് സന്ദർശിച്ചിരുന്നു.
