ഡല്ഹി: നടി ഐശ്വര്യ റായിയുടെ പേരും ചിത്രങ്ങളും ദുരുപയോഗം ചെയ്യുന്നത് വിലക്കി ഡല്ഹി ഹൈക്കോടതി. അനുവാദം ഇല്ലാതെ ചിത്രങ്ങളും ശബ്ദവും ദുരുപയോഗം ചെയ്യുന്നതിനെതിരെ നടി ഐശ്വര്യ റായ് ഡല്ഹി ഹൈക്കോടതിയില് ഹർജി നല്കിയിരുന്നു. അനുവാദമില്ലാതെ ചിത്രങ്ങള് പരസ്യങ്ങളില് ഉപയോഗിക്കുന്നത് വിലക്കണമെന്നും നടിയുടെ ഹര്ജിയില് പറയുന്നു.
അനുവാദമില്ലാതെ ഒരാളുടെ ചിത്രങ്ങള് ഉപയോഗിക്കുന്നത് അന്തസോടെ ജീവിക്കാനുള്ള അവകാശത്തെ ബാധിക്കുമെന്നും വ്യക്തിയുടെ അവകാശത്തെ ചോദ്യം ചെയ്യുമ്പോള് കോടതിക്ക് കണ്ണടയ്ക്കാനാവില്ലെന്നും ഹൈക്കോടതി ചൂണ്ടിക്കാട്ടി. നിലവില് അനധികൃതമായി ഉപയോഗിച്ചിരിക്കുന്ന ഐശ്വര്യ റായിയുടെ ചിത്രങ്ങള് വെബ്സൈറ്റുകളില് നിന്ന് ഒഴിവാക്കാനും കോടതി നിര്ദേശിച്ചിട്ടുണ്ട്.
