ഡല്ഹി: പ്രധാനമന്ത്രി നരേന്ദ്രമോദിയുടെ അമ്മ ഹീരാബെന്നിന്റെ കോണ്ഗ്രസ് പുറത്തിറക്കിയ എഐ വീഡിയോയില് പൊലീസിന് പരാതി നല്കി ബിജെപി. കോണ്ഗ്രസ്സ് വീഡിയോ സ്ത്രീത്വത്തെ അപമാനിക്കുന്നതാണ് എന്ന് ചൂണ്ടിക്കാണിച്ചാണ് പരാതി നൽകിയിരിക്കുന്നത്. ബിജെപി പ്രവര്ത്തകന് സങ്കേത് ഗുപ്ത ആണ് പരാതി നല്കിയത്.
ഡല്ഹി നോര്ത്ത് അവന്യൂ പൊലീസ് സ്റ്റേഷനിലാണ് കോണ്ഗ്രസിനെതിരായ പരാതി രേഖപ്പെടുത്തിയിരിക്കുന്നത്. സംഭവത്തിൽ പ്രതിഷേധിച്ച് രാജ്യവ്യാപക പ്രതിഷേധാത്തിന് ഒരുങ്ങുകയാണ് ബിജെപി.
‘സാഹെബിന്റെ സ്വപ്നങ്ങളില് അമ്മ പ്രത്യക്ഷപ്പെടുന്നു. ഈ രസകരമായ സംഭാഷണം കാണുക’ എന്ന അടിക്കുറിപ്പും വീഡിയോക്ക് നല്കിയിരിക്കുന്നു. വീഡിയോ പുറത്തിറങ്ങിയതിന് പിന്നാലെ കോണ്ഗ്രസിനെതിരെ രൂക്ഷ വിമര്ശനങ്ങള് ഉയരുകയും പ്രതിപക്ഷം വിലകുറഞ്ഞ തന്ത്രങ്ങള് അവലംബിക്കുകയാണെന്ന് ബിജെപി നേതാക്കള് ആരോപിക്കുകയും ചെയ്തിരുന്നു.
