കുന്ദമംഗലം: കാരന്തൂർ പാറ്റേൺ വോളി അക്കാദമിയിൽ ഈ മാസം 21 മുതൽ 27 വരെ നടക്കുന്ന ഓൾ കേരള ഇൻ്റർ കോളജിയേറ്റ് വോളിബോൾ ടൂർണമെൻ്റിനോട് അനുബന്ധിച്ച് മുൻ കാല വോളി താരങ്ങളെ ആദരിച്ചു. കാരന്തൂർ, കുന്ദമംഗലം, ചാത്തമംഗലം പ്രദേശങ്ങളിൽ നിന്നുള്ള എഴുപതോളം താരങ്ങൾ ആദരം ഏറ്റ് വാങ്ങി. മുൻ സംസ്ഥാന താരം കാരന്തൂർ എ.വിശ്വനാഥ കുറുപ്പ്, മുൻ കർണാടക സംസ്ഥാന താരം നെച്ചൂളി സി.കെ. മുഹമ്മദ്, ചെലവൂർ കോരാത്ത് മൊയ്തീൻ തുടങ്ങി എഴുപതോളം പേരാണ് ആദരവ് ഏറ്റ് വാങ്ങിയത്. അന്തർ ദേശീയ വോളിബോൾ റഫറി ടി.വി.അരുണാചലം ഉദ്ഘാടനം ചെയ്തു. പാറ്റേൺ അക്കാദമി പ്രസിഡണ്ട് സൂര്യ ഗഫൂർ അധ്യക്ഷത വഹിച്ചു. പി. ആരിഫ്, പി. റഷീദ്, പ്രേമൻ ജയരാജൻ, കണിയറക്കൽ മൊയ്തീൻ കോയ,നാസർ കാരന്തൂർ, സത്യൻ നൊച്ചിപ്പൊയിൽ, പി.എൻ. ശശിധരൻ, പി. നജീബ്,എം. അഞ്ചിത എന്നിവർ സംസാരിച്ചു. പാറ്റേൺ സെക്രട്ടറി സി. യൂസഫ് സ്വാഗതവും, പി.ടി.എ. പ്രസിഡണ്ട് ടി.പി. നിധീഷ് നന്ദിയും പറഞ്ഞു.
