സംസ്ഥാന സര്ക്കാറിന്റെയും ഗ്രാമപഞ്ചായത്തിന്റെയും വികസന നേട്ടങ്ങളും ഭാവി വികസന കാഴ്ചപ്പാടുകളും ചര്ച്ച ചെയ്ത് കീഴരിയൂര് ഗ്രാമപഞ്ചായത്ത് വികസന സദസ്സ്. കീഴരിയൂര് ഫ്രീഡം ഫൈറ്റേഴ്സ് സ്റ്റേഡിയത്തില് നടന്ന ചടങ്ങ് ടി പി രാമകൃഷ്ണന് എംഎല്എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ കെ നിര്മല അധ്യക്ഷയായി.
ചടങ്ങില് വിവിധ മേഖലകളിലുള്ളവരെ ആദരിച്ചു. സംസ്ഥാന സര്ക്കാറിന്റെ വികസന നേട്ടങ്ങളുടെ അവതരണം, തദ്ദേശ സ്വയംഭരണ വകുപ്പ് മന്ത്രിയുടെ സന്ദേശം എന്നിവ പ്രദര്ശിപ്പിച്ചു.
പഞ്ചായത്തിന്റെ വികസന നേട്ടങ്ങള് അക്കൗണ്ടന്റ് ഷാജി അവതരിപ്പിച്ചു. തുടര്ന്ന് ഭാവി വികസനങ്ങള്ക്കുള്ള ആശയങ്ങളും നിര്ദേശങ്ങളും ചര്ച്ച ചെയ്തു. കുടുബാരോഗ്യ കേന്ദ്രം മെച്ചപ്പെടുത്തല്, ആംബുലന്സ് സര്വീസ്, ഫിറ്റ്നസ് ക്ലബ്, ഹാപ്പിനസ് പാര്ക്ക്, ഓപണ് ജിം, എംസിഎഫ് സൗകര്യപ്പെടുത്തല്, കാര്ഷിക മേഖല പുനരുജ്ജീവനം, എയ്ഡഡ് സ്കൂളുകളില് ഭൗതിക സാഹചര്യം ഒരുക്കല് തുടങ്ങി നിരവധി നിര്ദേശങ്ങളാണ് സമര്പ്പിച്ചത്.
