രാജ്യത്ത് കഴിഞ്ഞ 24 മണിക്കൂറിനിടെ 14,623 പേര്ക്ക് കോവിഡ് സ്ഥിരീകരിച്ചു. 19,446 നെഗറ്റീവ് കേസുകളും റിപ്പോര്ട്ട് ചെയ്തു. രാജ്യത്ത് നിലവില് 1.78 ലക്ഷം സജീവ കേസുകളാണുള്ളത്. കഴിഞ്ഞ 229 ദിവസത്തിനിടയില് ആദ്യമായാണ് രോഗികളുടെ എണ്ണം ഇത്രയും കുറയുന്നത്.രാജ്യത്തെ കോവിഡ് രോഗമുക്തി നിരക്ക് 98.15 ശതമാനമായി ഉയര്ന്നു. 2020 മാര്ച്ചിന് ശേഷമുള്ള ഉയര്ന്ന നിരക്കാണിത്.
കോവിഡ് മരണങ്ങളിൽ വര്ധനവ് രേഖപ്പെടുത്തി. 197 മരണമാണ് കോവിഡ് മൂലം രാജ്യത്ത് ഇന്നലെ സംഭവിച്ചത്. ഇതോടെ മഹാമാരി ബാധിച്ച് മരിച്ചവരുടെ എണ്ണം 4,52,651 ആയി ഉയര്ന്നു.
വിവിധ സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കുമായി 41.36 ലക്ഷം വാക്സിന് ഡോസുകള് മാത്രമാണ് ചൊവ്വാഴ്ച വിതരണം ചെയ്തത്. ഇതുവരെ ഒരു ഡോസ് വാക്സിനെങ്കിലും സ്വീകരിച്ചവരുടെ എണ്ണം 99.12 കോടിയായി ഉയര്ന്നതായും കേന്ദ്ര ആരോഗ്യ മന്ത്രാലയം അറിയിച്ചു.
