ആഡംബര കപ്പലിലെ ലഹരിക്കേസില് അറസ്റ്റിലായ ബോളിവുഡ് സൂപ്പര് താരം ഷാരുഖ് ഖാന്റെ മകന് ആര്യന് ഖാന് ജാമ്യമില്ല. ആര്യൻ മുംബൈ ആര്തര്റോഡ് ജയിലില് ഇനിയും തുടരേണ്ടിവരും. ആര്യന് ജാമ്യം നല്കിയാല് അത് കേസന്വേഷണത്തെ ബാധിക്കുമെന്ന് കോടതി വിലയിരുത്തി.ഒക്ടോബര് രണ്ടിനാണ് ആര്യന് ഉള്പ്പെടെയുള്ളവര് ആഡംബര കപ്പലില് നിന്ന് നാര്ക്കോട്ടിക്സ് കണ്ട്രോള് ബ്യൂറോയുടെ (എന്.സി.ബി) കസ്റ്റഡിയിലായത്. ഒക്ടോബര് മൂന്നിന് ആര്യന് ഉള്പ്പെടെ അറസ്റ്റിലായ പ്രതികളെ മുംബൈ കോടതി എന്.സി.ബി കസ്റ്റഡിയില് വിട്ടു. ആദ്യം ഒക്ടോബര് നാല് വരേയും പിന്നീട് ഏഴാം തീയതിവരേയും ആര്യന്റെ കസ്റ്റഡി നീട്ടി.
