അമ്മ സംഘടനയില് നിന്ന് ഔദ്യോഗികമായി രാജിസമര്പ്പിക്കാതെ ശ്വേതാ മേനോന് അടക്കമുള്ള ഭരണസമിതി അംഗങ്ങള്. ശ്വേത അടക്കമുള്ളവരുടെ രാജി ഔദ്യോഗികമായി ലഭിച്ചിട്ടില്ല. രാജി പ്രഖ്യാപിച്ച് മാത്രം അവര് ഇറങ്ങി പോകുകയായിരുന്നു. ഇന്നാണ് മെയിലിന്റേത് ഉള്പ്പടെ ആക്സസ് ലഭിച്ചത്. ജനറല് സെക്രട്ടറി ആയ പരമേശ്വരന് പറഞ്ഞത് രാജി കത്ത് ലഭിച്ചിട്ടില്ല എന്നാണെന്ന് രമേശ് പിഷാരടി എംഎല്എ പറഞ്ഞു.
മാധ്യമങ്ങളിലൂടെയുള്ള വിവരങ്ങള് മാത്രമേ നിലവില് ഉള്ളു. മാധ്യമങ്ങളോട് അടക്കം ശ്വേതാ മേനോന് പറഞ്ഞത് രാജിവെച്ചു എന്നാണെന്ന് ഗണേഷ് കുമാര് പറഞ്ഞു. മല്ലിക സുകുമാരനും ലക്ഷ്മിപ്രിയയും രാജി ഇമെയിലില് അയച്ചിട്ടുണ്ട് എന്ന് കുക്കു പരമേശ്വരന് പറഞ്ഞു, ഞങ്ങള് കണ്ടിട്ടില്ല. ജനറല് ബോഡിയുടേതാണ് അന്തിമ തീരുമാനം. അഡ്ഹോക് കമ്മിറ്റിയുടെ നിലനില്പ്പിന് നിയമപരമായ പ്രതിസന്ധിയാണുള്ളതെന്നും അദ്ദേഹം പറഞ്ഞു.
