മഹിളാ കോൺഗ്രസ് മുൻ അധ്യക്ഷ ലതികാ സുഭാഷിനെ കോൺഗ്രസ് പ്രാഥമിക അംഗത്വത്തിൽ നിന്ന് നീക്കം ചെയ്തു. സ്ഥാനാര്ത്ഥി പട്ടികയില് പ്രതിഷേധിച്ചാണ് മഹിളാ കോണ്ഗ്രസ് അധ്യക്ഷ സ്ഥാനം ലതികാ സുഭാഷ് രാജിവെച്ചത്. ഏറ്റുമാനൂരില് സ്വതന്ത്ര സ്ഥാനാര്ത്ഥിയായി മത്സരിക്കുകയാണ് ലതികാ സുഭാഷ്.സ്ഥാനാർത്ഥി പട്ടികയിൽ തഴയപ്പെട്ടതിനെ തുടർന്ന് മഹിളാ കോൺഗ്രസ് അധ്യക്ഷ സ്ഥാനം ലതികാ സുഭാഷ് രാജിവച്ചിരുന്നു. തുടർന്ന് തന്റെ പ്രതിഷേധം രേഖപ്പെടുത്തി കെപിസിസി ആസ്ഥാനത്തിന് മുന്നിലിരുന്ന് തല മുണ്ഡനം ചെയ്യുകയും ചെയ്തു. ഏറ്റുമാനൂര് കോണ്ഗ്രസ് ഏറ്റെടുത്താല് മത്സരിക്കാനായി ലതികാ സുഭാഷിന്റെ പേരും പരിഗണനയില് ഉണ്ടായിരുന്നു. എന്നാല് ആ സീറ്റ് കേരള കോണ്ഗ്രസിന് നല്കിയതില് ലതികാ സുഭാഷ് ഉമ്മന് ചാണ്ടിയോട് എതിര്പ്പ് അറിയിച്ചിരുന്നു.
