സുല്ത്താന് ബത്തേരി തെരഞ്ഞെടുപ്പ് കോഴകേസുമായി ബന്ധപ്പെട്ട് ബി.ജെ.പി സംസ്ഥാന അധ്യക്ഷന് കെ. സുരേന്ദ്രന്റെ ശബ്ദ പരിശോധന കേന്ദ്ര സര്ക്കാര് ലാബില് നടത്തണമെന്ന ആവശ്യം കോടതി തള്ളി.
ഇതോടെ സംസ്ഥാന സര്ക്കാറിനു കീഴിലുള്ള ഫോറന്സിക് ലാബില് തന്നെ ശബ്ദ പരിശോധന നടത്തുംസുൽത്താൻ ബത്തേരി ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയുടേതാണ് ഉത്തരവ്.ബത്തേരി നിയോജകമണ്ഡലത്തിലെ എന്ഡിഎ സ്ഥാനാര്ഥിയാകാന് സി.കെ.ജാനുവിന് വിവിധ സ്ഥലങ്ങളില്വെച്ച് മുപ്പത്തിയഞ്ച് ലക്ഷം രൂപ കെ.സുരേന്ദ്രന് കോഴനല്കിയെന്നാണ് കേസ്.
സി.കെ. ജാനുവിന് കോഴ നല്കിയെന്ന ജെ.ആര്.പി നേതാവ് പ്രസീത അഴീക്കോടിന്റെ വെളിപ്പെടുത്തല് സാധൂകരിക്കുന്ന കൂടുതല് ശബ്ദ രേഖകള് കഴിഞ്ഞ ദിവസങ്ങളില് അന്വേഷണസംഘത്തിന് ലഭിച്ചിരുന്നു.
ബി.ജെ.പി നല്കിയ 10 ലക്ഷം രൂപ ചെലവഴിച്ചതിനെക്കുറിച്ച് പ്രസീതയും സി.കെ. ജാനുവും സംസാരിക്കുന്നതിന്റെ ശബ്ദരേഖയാണ് ലഭിച്ചത്. എന്നാല് അവര് എന്തൊക്കെയാണ് സംസാരിച്ചതെന്നതിനെ കുറിച്ച് ക്രൈംബ്രാഞ്ച് ഇതുവരെ വ്യക്തമാക്കിയിട്ടില്ല.
