ശബരിമല സ്വർണ മോഷണക്കേസിൽ പ്രത്യേക അന്വേഷണ സംഘത്തിന്റെ നേതൃത്വത്തിലുള്ള അന്വേഷണം സുഗമമായി നടക്കുന്നുണ്ടെന്നും, അതിൽ സർക്കാർ ഇടപെടാൻ അധികാരമില്ലെന്നും മന്ത്രി കെ. മുരളീധരൻ നിയമസഭയിൽ വ്യക്തമാക്കി. കോടതിയുടെ നേരിട്ടുള്ള നിരീക്ഷണത്തിലാണ് നിലവിൽ അന്വേഷണം പുരോഗമിക്കുന്നത്. കോടതി ആവശ്യപ്പെടുമ്പോൾ മാത്രം സർക്കാർ തങ്ങളുടെ നിലപാട് ഔദ്യോഗികമായി അറിയിക്കുമെന്നും അദ്ദേഹം കൂട്ടിച്ചേർത്തു.
നേരത്തെ പ്രതിപക്ഷത്തിരിക്കുമ്പോൾ യു.ഡി.എഫ് ഇതേ വിഷയത്തിൽ എൽ.ഡി.എഫ് സർക്കാരിനെതിരെ രൂക്ഷമായ ആരോപണങ്ങൾ ഉന്നയിച്ചിരുന്നു. എന്നാൽ, അന്ന് എൽ.ഡി.എഫ് സർക്കാർ സ്വീകരിച്ച അതേ നിലപാട് തന്നെയാണ് ഇപ്പോഴും സർക്കാരിനുള്ളത്. കോടതിയുടെ പരിഗണനയിലുള്ള ഒരു വിഷയത്തിൽ സർക്കാരിന് ഇടപെടാൻ കഴിയില്ലെന്ന വസ്തുത അറിഞ്ഞുകൊണ്ട് തന്നെയായിരുന്നു അന്ന് പ്രതിപക്ഷം ആരോപണങ്ങൾ ഉയർത്തിയിരുന്നത് എന്ന വിമർശനവും ഉയരുന്നുണ്ട്.
വിഴിഞ്ഞം പദ്ധതിയിൽ അദാനി ഗ്രൂപ്പ് ഓഹരികൾ വിൽക്കുന്ന വിഷയത്തിൽ സർക്കാരിന്റെ അനുമതി നിർബന്ധമാണെന്ന് മുഖ്യമന്ത്രി വി.ഡി. സതീശൻ വ്യക്തമാക്കി. ഓഹരി വിൽക്കുന്നതുമായി ബന്ധപ്പെട്ട് അദാനി കമ്പനി സർക്കാരിനെ സമീപിച്ചിട്ടില്ല. സർക്കാർ അനുമതിയില്ലാതെ ഇത്തരത്തിൽ ഓഹരി കൈമാറ്റം ചെയ്യാൻ കഴിയില്ലെന്നും അദ്ദേഹം നിയമസഭയിൽ പറഞ്ഞു.
