കൊച്ചി: കുംഭമേള വൈറല് താരം മൊണാലിസ ഭോസ്ലെയ്ക്ക് പൊലീസ് സംരക്ഷണം നല്കണമെന്ന് വീണ്ടും ഹൈക്കോടതി. മൊണാലിസയുടെ ഹര്ജിയിലാണ് ഹൈക്കോടതിയുടെ ഇടക്കാല ഉത്തരവ്. പാലാരിവട്ടം പൊലീസിനാണ് ഹൈക്കോടതിയുടെ നിര്ദ്ദേശം. പാലാരിവട്ടം പൊലീസിനെ ഹര്ജിയില് ഹൈക്കോടതി സ്വമേധയാ കക്ഷി ചേര്ത്തു.
മൊണാലിസയ്ക്കുണ്ടായിരുന്ന പൊലീസ് സംരക്ഷണം ഹൈക്കോടതി നേരത്തെ പിന്വലിച്ചിരുന്നു. മൊണാലിസയുടെ സംരക്ഷണത്തിന് വനിതാ പൊലീസ് ഉദ്യോഗസ്ഥയെ നിയോഗിച്ചിട്ടുണ്ടെന്ന് സര്ക്കാര് ഹൈക്കോടതിയെ അറിയിച്ചു. മൊണാലിസ ഭോസ്ലെ നല്കിയ ഹര്ജി ഹൈക്കോടതി രണ്ടാഴ്ചയ്ക്ക് ശേഷം വീണ്ടും പരിഗണിക്കും.
