പാലക്കാട്: കാളവണ്ടിയുമായി പോകുന്നതിനിടെ വഴി നൽകുന്നതിനെച്ചൊല്ലിയുണ്ടായ തർക്കത്തിനൊടുവിൽ പാലക്കാട് 24-കാരനെ കുത്തിക്കൊന്നു. കൊഴിഞ്ഞാമ്പാറ ഒഴലപ്പതിയിലാണ് സംഭവം നടന്നത്. കേരാംപാറ സ്വദേശിയായ ഷെഫീഖ് (24) ആണ് കൊല്ലപ്പെട്ടത്.
സംഭവവുമായി ബന്ധപ്പെട്ട് നെൽസൺ, ജെൻസൺ എന്നിവർക്കെതിരെ പോലീസ് അന്വേഷണം ആരംഭിച്ചു. നെൽസൺ കാളവണ്ടിയുമായി പോകുമ്പോൾ ആ വഴി ബൈക്കിലെത്തിയ ഷെഫീഖിന് കടന്നുപോകാൻ വഴി നൽകിയിരുന്നില്ല. ഇത് ഷെഫീഖ് ചോദ്യം ചെയ്തതോടെ ഇരുവിഭാഗവും തമ്മിൽ വാക്കുതർക്കമുണ്ടാകുകയായിരുന്നു. മൃതദേഹം പോസ്റ്റ്മോർട്ടത്തിനായി പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റിയിട്ടുണ്ട്.
