പേരൂർക്കട ദത്ത് വിവാദത്തിൽ അനുപമയുടെ കുഞ്ഞിനെ തിരികെയെത്തിക്കും. അഞ്ച് ദിവസത്തനിള്ളില് കുഞ്ഞിനെ ആന്ധ്രാപ്രദേശില് നിന്ന് തിരികെയെത്തിക്കണമെന്ന് ചൈല്ഡ് വെല്ഫെയര് കമ്മിറ്റി നിര്ദേശം നല്കി. കുട്ടിയെ കൊണ്ടുവരാനായി പൊലീസ് സംരക്ഷണം നല്കണമെന്നും സിഡബ്ല്യുസി ഉത്തരവില് വ്യക്തമാക്കി. ഇന്നലെ രാത്രിയാണ് ഉത്തരവിറങ്ങിയത്.
പോലീസ് സംരക്ഷണയിലാണ് ആന്ധ്രാപ്രദേശില് നിന്നും കുഞ്ഞിനെ തിരിച്ചെത്തിക്കുക. കുഞ്ഞിനെ കേരളത്തില് എത്തിച്ച ശേഷം ഡിഎന്എ പരിശോധനയും നടത്തും. നിലവില് ആന്ധ്രാ സ്വദേശികളായ ദമ്പതികള്ക്ക് ഒപ്പമാണ് കുഞ്ഞ് കഴിയുന്നത്.
കുട്ടിയെ കൊണ്ടുവരുന്നതില് സന്തോഷമുണ്ടെന്ന് അനുപമ പറഞ്ഞു. സിഡബ്ല്യുസി ഉത്തരവിന്റെ പശ്ചാത്തലത്തില് സമരം നിര്ത്തുന്നതിനെ കുറിച്ച് ആലോചിക്കുന്നില്ലെന്നും അനുപമ വ്യക്തമാക്കി.
