കർഷകർക്ക് അഭിവാദ്യവുമായി മുഖ്യമന്ത്രി പിണറായി വിജയൻ.വെല്ലുവിളികൾ ഏറെയുണ്ടായിട്ടും തളരാതെ പൊരുതിയ കർഷകർക്ക് അഭിവാദ്യങ്ങൾ നേരുന്നുവെന്ന് മുഖ്യമന്ത്രി ഫെയ്സ് ബുക്കിൽ കുറിച്ചു.
സമത്വപൂർണമായ ലോകനിർമ്മിതിയ്ക്കായി നടക്കുന്ന വർഗസമര ചരിത്രത്തിലെ സുപ്രധാന ഏടാണ് കർഷകർ രചിച്ചതെന്ന് മുഖ്യമന്ത്രി പറഞ്ഞു.
കുറിപ്പിന്റെ പൂര്ണരൂപം:
ഐതിഹാസികമായ കര്ഷക സമരത്തിനു വിജയം കുറിച്ചുകൊണ്ട് കാര്ഷിക നിയമങ്ങള് പിന്വലിക്കപ്പെട്ടിരിക്കുന്നു. സമത്വപൂര്ണമായ ലോകനിര്മ്മിതിയ്ക്കായി നടക്കുന്ന വര്ഗസമരങ്ങളുടെ ചരിത്രത്തിലെ ഉജ്ജ്വലമായ ഒരേടാണ് ഇന്ത്യന് കര്ഷകര് രചിച്ചിരിക്കുന്നത്. വെല്ലുവിളികള് ഏറെയുണ്ടായിട്ടും തളരാതെ പൊരുതിയ കര്ഷകര്ക്ക് അഭിവാദ്യങ്ങള് നേരുന്നു.
