ഗുരുവായൂരപ്പന് വഴിപാടായി മഹീന്ദ്ര കമ്പനി നൽകിയ ‘ഥാർ’ ലേലം ചെയ്തു.15ലക്ഷത്തി പതിനായിരം രൂപയ്ക്ക് ലേലമുറപ്പിച്ചാണ് ആഡംബര വാഹനം എറണാകുളം സ്വദേശി അമല് മുഹമ്മദ് വാഹനം സ്വന്തമാക്കിയത്.അടിസ്ഥാന വിലയായി 15 ലക്ഷം രൂപയാണ് ദേവസ്വം വിളിച്ചത്.എന്നാൽ ലേലം ചെയ്തതിന് പിന്നാലെ വാഹനം കൈമാറുന്നതിനെ ചൊല്ലി തർക്കമുണ്ടായി. താൽക്കാലികമായി ലേലം ഉറപ്പിച്ചു. എന്നാല് വാഹനം വിട്ടുനല്കുന്നതില് പുനരാലോചന വേണ്ടി വരുമെന്ന് ദേവസ്വം ചെയര്മാന് പ്രതികരിച്ചു. ഭരണ സമിതിയിൽ അഭിപ്രായ വ്യത്യാസം വന്നേക്കാം. അങ്ങനെയെങ്കിൽ തീരുമാനം മാറ്റേണ്ടി വരുമെന്ന് ചെയർമാൻ കെ ബി മോഹൻദാസ് പറഞ്ഞു. ലേലം ഉറപ്പിച്ച ശേഷം വാക്കുമാറ്റുന്നത് ശരിയല്ലെന്ന് ലേലം നേടിയ അമലിന്റെ പ്രതിനിധി പറഞ്ഞു.ഏഷ്യാനെറ്റ് ന്യുസിനോടായിരുന്നു പ്രതികരണം.
ഏറ്റവും പുതിയ മഹീന്ദ്ര ന്യൂ ഥാർ ഫോർ വീൽ ഡ്രൈവ് മഹീന്ദ്രാ ആൻറ് മഹീന്ദ്രാ ലിമിറ്റഡാണ് നാലാം തിയതി രാവിലെ നടയ്ക്കൽ സമർപ്പിച്ചത്.റെഡ് കളർ ഡീസൽ ഓപ്ഷൻ ലിമിറ്റഡ് എഡിഷനാണ് സമർപ്പിക്കപ്പെട്ടത്.വിപണിയിൽ 13 മുതൽ 18 ലക്ഷം വരെ വിലയുള്ളതാണ് വണ്ടി. 2200 സിസിയാണ് എൻജിൻ.
