ആലപ്പുഴയില് ബിജെപി നേതാവ് രണ്ജിത് ശ്രീനിവാസന്റെ കൊലപാതക കേസിൽ നാല് എസ്ഡിപിഐ പ്രവര്ത്തകർ കസ്റ്റഡിയിൽ. ഇവര് ഉപയോഗിച്ച ബൈക്ക് പൊലീസ് കണ്ടെത്തി.ബൈക്കുകളിൽ പൊലീസ് രക്തക്കറ കണ്ടെത്തി. ആലപ്പുഴ മണ്ണഞ്ചേരിയില് നിന്നാണ് ബൈക്ക് കണ്ടെത്തിയത്. എസ്.ഡി.പി.ഐ നേതാവ് ഷാനിനെ കൊലപ്പെടുത്തിയ കേസിൽ രണ്ടു പേരെ പൊലീസ് ഇന്നലെ അറസ്റ്റ് ചെയ്തിരുന്നു. എന്നാൽ രഞ്ജിത്ത് കേസിൽ ആരെയും പിടികൂടാത്തതിൽ പൊലീസിനെതിരെ വിമർശനം ഉയർന്നിരിന്നു. അതിനിടയിലാണ് നാലുപേർ കസ്റ്റഡിയിലായെന്ന വിവരം പുറത്തുവരുന്നത്.
അതേസമയം ജില്ലയില് ക്രമസമാധാനം നിലനിര്ത്തുന്നതിനായി കളക്ടര് വിളിച്ച സര്വകക്ഷി സമാധാന യോഗം ഇന്ന് വൈകിട്ട് നാലിന് നടക്കും.രാഷ്ട്രീയ കൊലപാതകങ്ങള്ക്കു് ശേഷം 48 മണിക്കൂര് പിന്നിടുമ്പോള് ജില്ലയില് മറ്റെവിടെയും എസ്ഡിപിഐ-ആര്എസ്എസ് സംഘര്ഷം ഉണ്ടായിട്ടില്ല.
ജില്ലയിലെ പ്രധാന പാതകളും ഇടറോഡുകളും എല്ലാം ബാരിക്കേഡുകള് സ്ഥാപിച്ച് പൊലീസ് നിയന്ത്രണത്തിലാണ്.
