കൊവിഡ് വാക്സിൻ സർട്ടിഫിക്കറ്റിൽ നിന്നും നരേന്ദ്രമോദിയുടെ ചിത്രം നീക്കണമെന്ന ഹര്ജി തള്ളി ഹൈക്കോടതി.ഹര്ജിക്കാരന് ഒരു ലക്ഷം രൂപ പിഴ ചുമത്തിയാണ് കോടതി ഹർജി തള്ളിയത്. തുക ആറാഴ്ചയ്ക്കകം കേരള ലീഗൽ സർവ്വീസ് സൊസൈറ്റിയിൽ അടയ്ക്കണം. പണം കൊടുത്ത് സ്വകാര്യ ആശുപത്രിയിൽ വാക്സിൻ എടുക്കുമ്പോൾ മോദിയുടെ ചിത്രം പതിക്കുന്നത് മാലികവകാശ ലംഘനം എന്നയിരുന്നു ഹർജിക്കാരന്റെ വാദം. കടത്തുരുത്തി സ്വദേശി പീറ്റർ മാലിപ്പറമ്പിൽ ആണ് ഹർജിക്കാരൻ.
ഹര്ജിയ്ക്ക് പിന്നില് രാഷ്ട്രീയ താല്പര്യമുണ്ടെന്നും കോടതി നിരീക്ഷിച്ചു. ഇത് തീർത്തും ബാലിശമായ ഹര്ജിയാണ്. പൊതുതാല്പര്യമല്ല, പ്രശസ്തി താല്പര്യമാണ് ഹര്ജിയ്ക്ക് പിന്നിലെന്നും ജസ്റ്റിസ് പി.വി.കുഞ്ഞികൃഷ്ണന് അഭിപ്രായപ്പെട്ടു. കോടതികളില് ഗൗരവമുള്ള കേസുകള് കെട്ടിക്കിടക്കുമ്പോള് ഇത്തരം അനാവശ്യ ഹര്ജികള് പ്രോല്സാഹിപ്പിക്കാനാകില്ലെന്നും കോടതി പറഞ്ഞു.
