ലീഗ് മുസ്ലിം ജനവിഭാഗത്തിന് വേണ്ടി സംസാരിക്കുമ്പോള് അത് വര്ഗീയമാക്കാനാണ് മുഖ്യമന്ത്രി ശ്രമിക്കുന്നതെന്ന് മുസ്ലിം ലീഗ് ദേശീയ ഓര്ഗനൈസിങ് സെക്രട്ടറി ഇ.ടി. മുഹമ്മദ് ബഷീര്.ബഷീര് പറഞ്ഞു. മുസ്ലിം ലീഗ് സമൂഹത്തില് വര്ഗീയതയുടെ നിറം പടര്ത്താന് നോക്കുന്നുവെന്ന മുഖ്യമന്ത്രിയുടെ വിമര്ശനത്തിന് മറുപടിയുമായാണ് ഇ ടി മുഹമ്മദ് ബഷീർ രംഗത്തെത്തിയത്. മുഖ്യമന്ത്രിയുടെ ജൽപ്പനങ്ങൾക്ക് വില കൊടുക്കുന്നില്ല. മൗലികമായ കാര്യങ്ങളിൽ പോലും മുസ്ലീം ലീഗ് വിട്ടുവീഴ്ച്ചക്ക് തയ്യാറാകില്ല. കേരളത്തിൽ വർഗീയത കാണിക്കുന്നത് സിപിഎമ്മാണ്. സമുദായങ്ങളെ തമ്മില് ഭിന്നിപ്പിച്ച് മുതലെടുപ്പ് നടത്താനുള്ള ശ്രമമാണ് മുഖ്യമന്ത്രിയുടേതെന്നും മുഖ്യമന്ത്രിയുടെ സ്ഥിരം തുറുപ്പുചീട്ടാണതെന്നും ബഷീര് പറഞ്ഞു.മൗലികമായ കാര്യങ്ങളില് ലീഗ് വിട്ടുവീഴ്ചക്ക് തയ്യാറല്ലെന്നും ലീഗ് പല വിഷയങ്ങളിലും പ്രതികരിക്കുന്നത് സി.പി.ഐ.എമ്മിന് വലിയ അസ്വസ്ഥതയുണ്ടാക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
