എടപ്പാള് മേല്പ്പാലം ഉദ്ഘാടനത്തിനെതിരെ വ്യാപക വിമര്ശനം.ഒമിക്രോണ് വ്യാപനം വര്ധിക്കുന്ന സാചര്യത്തില് നിയന്ത്രണങ്ങള് കര്ശനമാക്കാന് സര്ക്കാര് നിര്ദേശം നിലനില്ക്കെയാണ് ആയിരങ്ങളെ പങ്കെടുപ്പിച്ച് നടന്ന സര്ക്കാരിന്റെ ‘ഉദ്ഘാടന മാമാങ്ക’മെന്നാണ് വിമര്ശനമുയരുന്നത്.എം.എസ്.എഫ് മുന് ദേശീയ വൈസ് പ്രസിഡന്റ് അഡ്വക്കറ്റ് ഫാത്തിമ തെഹ്ലിയയും ഫേസ്ബുക്ക് പോസ്റ്റിലൂടെ ഉദ്ഘാടനത്തിനെതിരെ വിമര്ശനവുമായി രംഗത്തെത്തിയിട്ടുണ്ട്.
ഉദ്ഘാടനത്തിന്റെ ചിത്രം പങ്കുവെച്ച് കൊണ്ടാണ് തെഹ്ലിയ ഫേസ്ബുക്കിലൂടെ പ്രതിഷേധിച്ചത്.
പൊതുപരിപാടികളില് അടച്ചിട്ട മുറികളില് 75, തുറസ്സായ സ്ഥലങ്ങളില് 150 എന്നിങ്ങനെ പരിമിതപ്പെടുത്തുകയും ചെയ്ത സാഹചര്യം ചൂണ്ടിക്കാട്ടിയാണ് സോഷ്യല് മീഡിയയില് വിമര്ശനം ഉയരുന്നത്.
പൊതു മരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം നിർവഹിച്ച ചടങ്ങിൽ മന്ത്രി വി അബ്ദുൽ റഹ്മാൻ, എംഎൽഎമാരായ കെ.ടി. ജലീൽ, പി നന്ദകുമാർ, എം പി ഇ ടി മുഹമ്മദ് ബഷീർ തുടങ്ങി നിരവധി പ്രമുഖരാണ് പങ്കെടുത്തത്. ഉത്സവാന്തരീക്ഷത്തിലായിന്നു എടപ്പാൾ മേൽ പാലത്തിൻ്റെ ഉദ്ഘാടനം. മുഹമ്മദ് റിയാസ് നാട മുറിച്ച് മേൽപ്പാലം ജനങ്ങൾക്ക് തുറന്ന് കൊടുത്തു. നൂറുകണക്കിന് ജനങ്ങൾ ആണ് പിന്നാലെ പാലത്തിലൂടെ നടന്നു നീങ്ങിയത്.
