അങ്കമാലി എളവൂര് പുളയനത്ത് സില്വര് ലൈന് പദ്ധതിയുടെ സര്വേ കല്ലുകള് പിഴുതുമാറ്റി റീത്തുവെച്ചു. ആറ് സര്വേ കല്ലുകളാണ് ഇന്നലെ രാത്രിയോടെ പിഴുതുമാറ്റിയത്. പൊലീസ് സംരക്ഷണത്തോടെ ഇന്നലെ ഉദ്യോഗസ്ഥര് നാട്ടിയതായിരുന്നു പതിനഞ്ചോളം സര്വേ കല്ലുകള്. കെ.റെയില് വിരുദ്ധ സമരസമിതിയുടെ നേതൃത്വത്തിലാണ് പ്രതിഷേധം. കോണ്ഗ്രസ് സമരത്തെ പിന്തുണച്ച് രംഗത്തെത്തിയിട്ടുണ്ട്.അങ്കമാലി പുളിയനത്ത് സിൽവർ ലൈനിനെതിരെയുള്ള സമരം തുടരുകയാണ്. ഇന്നും ഉദ്യോഗസ്ഥർ സർവ്വേ കല്ലുകൾ ഇടാനെത്തിയാൽ തടയാനാണ് സമരസമിതിയുടെ തീരുമാനം. കെ റെയിൽ വിരുദ്ധ സമിതിയുടെ സംസ്ഥാനതലത്തിലുള്ള പ്രതിനിധികൾ ഇന്ന് പ്രദേശം സന്ദർശിക്കും.
കഴിഞ്ഞയാഴ്ച കണ്ണൂരിലെ മാടായിപ്പാറയിലും സില്വര് ലൈനിന്റെ സര്വേ കല്ലുകള് പിഴുതുമാറ്റി റീത്ത് സ്ഥാപിച്ചിരുന്നു. ഏഴ് സര്വേ കല്ലുകളാണ് റോഡരുകില് കൂട്ടിയിട്ട് റീത്ത് വച്ചത്.
