ഹിജാബ് കേസില് വിധി പറഞ്ഞ കര്ണാടക ഹൈക്കോടതി ചീഫ് ജസ്റ്റിസ് ഋതു രാജ് അവസ്ഥി, ജസ്റ്റിസുമാരായ കൃഷ്ണ എസ്. ദീക്ഷിത്, ജെ എം ഖാസി എന്നിവരുടെ സുരക്ഷ വൈ കാറ്റഗറിയായി ഉയർത്തി
ചീഫ് ജസ്റ്റിസിനെ സാമൂഹിക മാധ്യമത്തിലൂടെ ഭീഷണിപ്പെടുത്തിയ തൗഹീദ് ജമായത്ത് സംഘടന ഭാരവാഹി റഹ്മത്തുള്ളയെ കഴിഞ്ഞ ദിവസം മധുരയില് നിന്നും അറസ്റ്റ് ചെയ്തിരുന്നു. ഇതിന് പിന്നാലെയാണ് ജഡ്ജിമാര്ക്ക് സുരക്ഷ വര്ധിപ്പിച്ചത്.
സ്കൂള്, കോളജ് യൂണിഫോം നിയമങ്ങള് കര്ശനമായി നടപ്പാക്കണമെന്ന സര്ക്കാരിന്റെ ഉത്തരവ് ശരിവച്ചുകൊണ്ടാണ് ഹിജാബ് വിഷയത്തിൽ കര്ണാടക ഹൈക്കോടതി വിധി പറഞ്ഞത്. ഹിജാബ് മതപരമായ ആചാരമല്ലെന്നും കോടതി നിരീക്ഷിച്ചു. ചീഫ് ജസ്റ്റിസ് ഋതു രാജ് അവസ്തി അധ്യക്ഷനായ ഹൈക്കോടതിയുടെ മൂന്നംഗ ബെഞ്ച് 11 ദിവസം വാദം കേട്ട ശേഷമായിരുന്നു കേസില് വിധിപറഞ്ഞിരിക്കുന്നത്.
