23-ാം പാര്ട്ടി കോണ്ഗ്രസ് വേദിയില് സില്വര് ലൈന് പദ്ധതി പരാമര്ശിച്ച് പോളിറ്റ് ബ്യൂറോ അംഗവും മുഖ്യമന്ത്രിയുമായ പിണറായി വിജയന്.രണ്ടാം എല്ഡിഎഫ് സര്ക്കാരിന്റെ സ്വപ്ന പദ്ധതിയാണ് സില്വര് ലൈന്. പദ്ധതി നടപ്പാകുന്നതോടെ സംസ്ഥാനത്ത് വലിയ മുന്നേറ്റമുണ്ടാക്കാന് കഴിയുമെന്നും സിപിഐഎം പാര്ട്ടി കോണ്ഗ്രസിന്റെ പ്രതിനിധി സമ്മേളനത്തിന്റെ സ്വാഗത പ്രസംഗത്തില് മുഖ്യമന്ത്രി പറഞ്ഞു.കേരളത്തിന്റെ വടക്കേയറ്റം മുതല് തെക്കേയറ്റം വരെ നാല് മണിക്കൂറില് എത്താന് കഴിയുകയെന്നതാണ് സെമി ഹൈസ്പീഡ് ട്രെയിന് കൊണ്ട് ലക്ഷ്യമിടുന്നത്. കുടിയൊഴിപ്പിക്കപ്പെടുന്നവര്ക്ക് അര്ഹമായ നഷ്ടപരിഹാരം ഉറപ്പാക്കും. ജനങ്ങള്ക്കിടയില് ബോധവത്കരണം നടത്തുകയാണ്. പദ്ധതിക്കെതിരേ രാഷ്ട്രീയ എതിര്പ്പ് ഉയര്ന്നുകൊണ്ടിരിക്കുകയാണെന്നും മുഖ്യമന്ത്രി പാര്ട്ടി കോണ്ഗ്രസ് വേദിയില് ആരോപിച്ചു.പ്രതിപക്ഷം വികസന പദ്ധതികള്ക്ക് തുരങ്കം വയ്ക്കുകയാണെന്നും സില്വര്ലൈനിനെതിരായ ഉയര്ത്തുന്ന വാദങ്ങള് യുക്തിരഹിതമാണെന്നും മുഖ്യമന്ത്രി കൂട്ടിച്ചേര്ത്തു.
