മുല്ലപ്പെരിയാര് മേല്നോട്ട സമിതിയുടെ അധികാര പരിധി കൂട്ടി സുപ്രിംകോടതി. ഡാം സുരക്ഷ അതോറിറ്റി പ്രവർത്തനസജ്ജം ആകുന്നതുവരെ എല്ലാ അധികാരങ്ങളും മേൽനോട്ട സമിതിക്ക് കൈമാറുന്നതായി വിധിയിൽ സുപ്രീംകോടതി വ്യക്തമാക്കി.കേരളത്തിലെയും തമിഴ്നാട്ടിലെയും ഓരോ സാങ്കേതിക വിദഗർ സമിതിയുടെ ഭാഗമാകും. ഡാമിൻ്റെ മേൽനോട്ടം ശക്തിപ്പെടുത്തുന്നതിന്റെ ഭാഗമാണ് നടപടിയെന്നും
ദേശീയ സുരക്ഷ അതോറിറ്റി എത്രയും വേഗം പ്രവർത്തന സജ്ജമാക്കണമെന്നും കോടതി വിധിയിൽ പറഞ്ഞു.. ഇനി മേല്നോട്ട സമിതിക്കാകും ഡാം സുരക്ഷയുടെ പൂര്ണ അധികാരം
ജസ്റ്റിസ് എ.എം.ഖാന്വില്ക്കര് അധ്യക്ഷനായ സുപ്രിംകോടതി ബെഞ്ചാണ് വിധി പ്രസ്താവിച്ചത്.
മേല്നോട്ട സമിതി പുനഃസംഘടിപ്പിക്കുന്നതിന്റെ ഭാഗമായി കേരള -തമിഴ്നാട് സംസ്ഥാനങ്ങളുടെ ഓരോ സാങ്കേതിക അംഗത്തെ വീതം സമിതിയില് ഉള്പ്പെടുത്തും. ഇനി മുതല് സംസ്ഥാനങ്ങള് തമ്മിലുള്ള തര്ക്കും പരിഹരിക്കുന്നതിനും മേല്നോട്ട സമിതിക്ക് അധികാരം നല്കി. പ്രദേശികമായി നാട്ടുകാരുടെ ആശങ്കകള് പരിഗണിച്ചുകൊണ്ട് വേണം മേല്നോട്ട സമിതി പ്രവര്ത്തിക്കാനെന്നും സുപ്രിംകോടതി പറഞ്ഞു. നാട്ടുകാര്ക്ക് എന്തെങ്കിലും പരാതിയുണ്ടെങ്കില് അത് മേല്നോട്ട സമിതിയെ അറിയിക്കാം. മേല്നോട്ട സമിതി അത് പരിഗണിക്കുകയും പരിശോധിക്കുകയും വേണമെന്നും ഉത്തരവില് ചൂണ്ടിക്കാണിച്ചിട്ടുണ്ട്.
