തൃക്കാക്കര ഉപതെരഞ്ഞെടുപ്പിനെ കുറിച്ച് ഒന്നും പ്രതികരിക്കാത്ത മുഖ്യമന്ത്രി പിണറായി വിജയന്റെ നടപടിയെ പരിഹസിച്ച് പ്രതിപക്ഷ നേതാവ് വിഡി സതീശന്. ഒരു ഉപതെരഞ്ഞെടുപ്പ് ഫലത്തിന് ശേഷം മുഖ്യമന്ത്രി പ്രതികരിക്കാതിരിക്കുന്നത് ഇതാദ്യമായാണെന്ന് സതീശന് പറഞ്ഞു. ഉപതെരഞ്ഞെടുപ്പില് തോറ്റോട്ടെ, ജയിച്ചോട്ടെ. മുഖ്യമന്ത്രിക്ക് എന്തൈങ്കിലും പറഞ്ഞൂടെയെന്ന് വി ഡി സതീശന് ചോദിച്ചു.
കോണ്ഗ്രസിന് ഒരു തരത്തിലുമുള്ള മൃദുഹിന്ദുത്വവുമില്ലെന്നും സതീശന് വ്യക്തമാക്കി. വോട്ടിനായി ഒരു വര്ഗീയ വാദിയുടേയും തിണ്ണ നിരങ്ങിയിട്ടില്ലെന്നും അത്തരക്കാരുടെ വോട്ട് വേണ്ടെന്ന് പ്രഖ്യാപിച്ചാണ് തിരഞ്ഞെടുപ്പിനെ നേരിട്ടതെന്നും സതീശന് പറഞ്ഞു. കാവി മുണ്ടുടുത്തവരേയും ചന്ദനക്കുറി തൊട്ടവരേയും വര്ഗീയവാദികളാക്കി ചിത്രീകരിക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
എനിക്ക് എന്റെ മതത്തില് വിശ്വസിക്കാനും അനുഷ്ഠാനങ്ങള് നടത്താനും സ്വാതന്ത്ര്യമുള്ളപ്പോള് തന്നെ മറ്റുള്ളവരുടെ വിശ്വാസത്തേയും സംരക്ഷിക്കണം. രാഹുലും പ്രിയങ്കയും തിരഞ്ഞെടുപ്പ് പ്രചാരണത്തിന് പോകുമ്പോള് ക്ഷേത്രത്തില് കയറുന്നതിനെ എന്തിന് വിമര്ശിക്കണം. അവര് ഹിന്ദുമത വിശ്വാസികളാണ്. ക്ഷേത്രത്തില് പോയി പ്രാര്ഥിച്ചതിന് ശേഷമാണ് ഞാന് തൃക്കാക്കരയിലെ പ്രചാരണത്തിന് തുടക്കമിട്ടത്. അതിനര്ഥം ഞാന് മൃദുഹിന്ദുത്വ വാദിയാണെന്നാണോ, ഞാന് എനിക്കിഷ്ടമുള്ള മതത്തില് വിശ്വസിക്കും എനിക്കിഷ്ടമുള്ള ദൈവത്തെ വിളിച്ച് പ്രാര്ഥിക്കും. അതിന് ഇന്ത്യന് ഭരണഘടന എനിക്ക് സ്വാതന്ത്ര്യം നല്കുന്നുണ്ട്’ സതീശന് പറഞ്ഞു.
വര്ഗീയതയെ ഉറച്ച നിലപാടുകളെടുത്താണ് നേരിടേണ്ടത്. സംഘപരിവാര് ശക്തികളെ ഒരുവിട്ടുവീഴ്ചയും ഇല്ലാതെ ദേശീയ തലത്തില് നേരിടുന്നത് കോണ്ഗ്രസ് മാത്രമാണെന്നും അദ്ദേഹം പറഞ്ഞു.
