എസ്എസ്എൽസി പരീക്ഷാഫലം പ്രഖ്യാപിച്ചു. 99.26 ആണ് വിജയശതമാനം. 44363 പേർ എല്ലാ വിഷയങ്ങൾക്കും എ പ്ലസ് നേടി. ആകെ പരീക്ഷ എഴുതിയ 4,26,469 വിദ്യാർഥികളിൽ 4,23,303 പേരാണ് ഉന്നത വിദ്യാഭ്യാസത്തിന് യോഗ്യത നേടിയത്.കണ്ണൂർ ജില്ലയിലാണ് വിജയശതമാനം കൂടുതൽ കുറവ് വയനാട്ടിൽ.
99.26ആണ് ഇത്തവണത്തെ എസ്എസ്എല്സി വിജയ ശതമാനം. 99.47 ശതമാനമായിരുന്നു കഴിഞ്ഞ തവണ. 44,363 വിദ്യാര്ഥികള് ഫുള് എ പ്ലസ് നേടി. കഴിഞ്ഞ വര്ഷം 1,25,509 വിദ്യാര്ഥികള്ക്കാണ് എല്ലാവിഷയത്തിനും എ പ്ലസ് ലഭിച്ചത്. കോവിഡ് കാരണം കലാ-കായിക മത്സരങ്ങള് നടക്കാത്ത സാഹചര്യത്തില് എസ്.എസ്.എല്.സി, പ്ലസ് ടു പരീക്ഷകളില് ഇത്തവണയും ഗ്രേസ് മാര്ക്ക് നല്കിയിട്ടില്ല
കണ്ണൂരാണ് ഏറ്റവും കൂടുതല് വിജയ ശതമാനമുള്ള റവന്യു ജില്ല. 99.76% ആണ് ജില്ലയിലെ വിജയശതമാനം. ഏറ്റവും കുറവ് വിജയ ശതമാനമുള്ള റവന്യു ജില്ല വയനാടാണ്- 98.07%. വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല പാല(99.94%) വിജയശതമാനം ഏറ്റവും കുറവുള്ള വിദ്യാഭ്യാസ ജില്ല ആറ്റിങ്ങല് (97.98%). ഏറ്റവും കൂടുതല് വിദ്യാര്ഥികള്ക്ക് ഏറ്റവും കൂടുതല് എ പ്ലസ് ലഭിച്ച വിദ്യാഭ്യാസ ജില്ല- മലപ്പുറം (3024). മലപ്പുറം ജില്ലയിലെ പി.കെ.എം.എം.എച്ച്.എസ്.എസ് എടരിക്കൂട് ആണ് കൂടുതല് കൂട്ടികള് പരീക്ഷയെഴുതിയ സെന്റര്. 2104 കുട്ടികളാണ് ഇവിടെ പരീക്ഷയെഴുതിയത്. ഏറ്റവും കുറവ് കുട്ടികള് പരീക്ഷ എഴുതിയ സെന്റര്-എച്ച്.എം.എച്ച്. എസ്.എസ് രണ്ടാര്ക്കര എറണാകുളം ( ഒരു കുട്ടി).
പരീക്ഷ ഫലം ഡൗൺലോഡ് ചെയ്യേണ്ടതെങ്ങനെയെന്ന് അറിയാം
ഔദ്യോഗിക വെബ്സൈറ്റ് സന്ദര്ശിക്കുക keralaresults.nic.in അല്ലെങ്കില് keralapareekshabhavan.in
ഹോംപേജില്, ‘Kerala SSLC Result 2022’എന്ന ലിങ്കില് ക്ലിക്ക് ചെയ്യുക.
റോള് നമ്പര്, മറ്റ് ലോഗിന് വിശദാംശങ്ങള് രേഖപ്പെടുത്തി സമര്പ്പിക്കുക
എസ്.എസ്.എല്.സി ഫലം സ്ക്രീനില് കാണാനാകും
ഫലം ഡൗണ്ലോഡ് ചെയ്ത് പ്രിന്റെടുക്കാം
