വയനാട്ടില് രാഹുല് ഗാന്ധിയുടെ എംപി ഓഫീസ് എസ്എഫ്ഐ പ്രവര്ത്തകര് ആക്രമിച്ചതിനെ പരിഹസിച്ച് ബിജെപി സംസ്ഥാന അധ്യക്ഷന് കെ.സുരേന്ദ്രന്. ഇത്രയും ദയനീയ പ്രതിപക്ഷ നേതാവായ രാഹുല് ഗാന്ധിയുടെ ഓഫീസ് അക്രമിച്ചിട്ട് ബിജെപിക്ക് എന്ത് കിട്ടാനാണ്. ബാങ്ക് കൊളള അടിക്കുന്നത് കേട്ടിട്ടുണ്ടെന്നും പെട്ടിക്കട എന്തിനാണ് കൊള്ളയടിക്കുന്നതെന്നും കെ സുരേന്ദ്രന് ചോദിച്ചു. ആലപ്പുഴയില് മാധ്യമപ്രവര്ത്തകരോട് സംസാരിക്കുകയായിരുന്നു സുരേന്ദ്രന്.
രാജ്യത്ത് ബി.ജെ.പി ഭരിക്കുന്ന ഒരു സംസ്ഥാനത്തും രാഹുലിന് അക്രമം നേരിടേണ്ടി വന്നിട്ടില്ല. യഥാര്ത്ഥ പ്രശ്നങ്ങളില് നിന്നും ജനശേദ്ധ്ര തിരിച്ചുവിടാനുള്ള ശ്രമങ്ങളുടെ ഭാഗമായിരുന്നു അക്രമം. രാഹുല് ഗാന്ധിയുടെ ഓഫീസ് ആക്രമിക്കാന് നിര്ദ്ദേശം നല്കിയത് മുഖ്യമന്ത്രി പിണറായി വിജയനാണെന്നും സിപിഎം സംഘര്ഷങ്ങള് ആഗ്രഹിക്കുന്നുണ്ടെന്നും കോണ്ഗ്രസും സി.പി.എമ്മും തമ്മിലുള്ള തെരുവ് സംഘര്ഷങ്ങള് മുഖ്യമന്ത്രി ലക്ഷ്യമിടുന്നതെന്നും സുരേന്ദ്രന് പറഞ്ഞു.
