പൊലീസ് സ്റ്റേഷന് പിന്നിലെ വീട്ടില് സൂക്ഷിച്ചിരുന്ന 210 കിലോ കഞ്ചാവ് പിടികൂടി. വെഞ്ഞാറമ്മൂട് ആണ് സംഭവം. സംഭവവുമായി ബന്ധപ്പെട്ട് വെഞ്ഞാറമൂട് തണ്ട്രാന് പൊയ്കയില് വാടകയ്ക്ക് താമസിക്കുന്ന പൂവച്ചല് കൊണ്ണിയൂര് സ്വദേശി കിഷോറിനെ പൊലീസ് അറസ്റ്റ് ചെയ്തു. ഇന്നലെ രാത്രിയോടെയാണ് ഇയാളെ പിടികൂടിയത്.
67,000 രൂപയും ചില്ലറ വിപണത്തിനായുള്ള പ്ലാസ്റ്റിക് പാക്കറ്റുകളും, ഇലക്ട്രോണിക് ത്രാസും ഇതോടൊപ്പം കണ്ടെടുത്തു. പിടികൂടിയ പ്രതിയെ പൊലീസ് ചോദ്യം ചെയ്തുവരുകയാണ്. ലഹരി വസ്തുക്കള് പിടിക്കാന് രൂപികരിച്ച റൂറല് ഡാന്സാഫാണ് ഇയാളെ പിടികൂടിയത്.
ആറ്റിങ്ങള് റൂറല് ഡാന്സാഫ് ഇന്നലെ രാത്രിയോടെ നടത്തിയ റെയ്ഡിലാണ് പ്രതിയെ അറസ്റ്റ് ചെയ്തത്. ഇത്രയധികം കഞ്ചാവ് എവിടെ നിന്നാണ് എത്തിച്ചതെന്നാണ് പൊലീസ് അന്വേഷിക്കുന്നത്. ഇയാള്ക്ക് പിന്നില് വന് ലഹിരി വില്പന സംഘമുണ്ടോയെന്നും അന്വേഷണ സംഘം പരിശോധിക്കുന്നുണ്ട്.
