തൃശൂരിൽ കുരങ്ങുപനി ബാധിച്ച് മരിച്ച യുവാവിന്റെ സമ്പർക്ക പട്ടികയിലുള്ളവർക്ക് നിലവില് രോഗ ലക്ഷണങ്ങളില്ലെന്ന് മന്ത്രി കെ രാജന് പറഞ്ഞു. തൃശ്ശൂര് മെഡിക്കല് കോളേജിലും ജില്ലാ ആശുപത്രിയിലും ഐസൊലേഷന് വാര്ഡുകള് സജ്ജമെന്ന് ജില്ലാ ഭരണകൂടവും അറിയിച്ചു.സമ്പര്ക്കപ്പട്ടികയില് 20 പേരാണ് ഉള്ളത്.യുഎഇയില് നിന്നെത്തി 30 ന് പുലര്ച്ചെ തൃശ്ശൂരിലെ സ്വകാര്യ ആശുപത്രിയില് ചികിത്സയിലിരിക്കെ മരിച്ച പുന്നയൂര് കുരഞ്ഞിയൂരിലെ 22 കാരന്റെ പരിശോധനാ ഫലം ഇന്ന് ഉച്ചയോടെയാണ് പുറത്തുവന്നത്.പൂനെ വൈറോളജി ലാബിലെ പരിശോധനയിലാണ് കുരഞ്ഞിയൂര് സ്വദേശിയുടെ മരണകാരണം കുരങ്ങുവസൂരിയാണെന്ന് സ്ഥിരീകരിച്ചത്. ആലപ്പുഴ വൈറോളജി ഇന്സ്റ്റിറ്റ്യൂട്ടിലെ പരിശോധനയില് ഇന്നലെ തന്നെ മരണകാരണം കുരങ്ങുവസൂരിയാണെന്ന് കണ്ടെത്തിയിരുന്നു. ഇത് ഉറപ്പിക്കുന്നതിനായാണ് സാമ്പിള് പൂനെയിലേക്കയച്ചത്. യുവാവ് യാത്ര ചെയ്ത വിമാനത്തില് അടുത്ത സമ്പര്ക്കമില്ലെന്നാണ് വിലയിരുത്തലെന്ന് ആരോഗ്യമന്ത്രി വീണാ ജോര്ജ് അറിയിച്ചു.ആദ്യ കേസ് കേരളത്തില് തിരിച്ചറിഞ്ഞത് ആരോഗ്യ സംവിധാനത്തിന്റെ മികവാണെന്ന് ആരോഗ്യമന്ത്രി പറഞ്ഞു. വിദേശത്ത് നിന്നെത്തുന്നവരില് ലക്ഷണങ്ങള് പ്രകടമായാല് ഉടന് ചികിത്സ തേടണം. ആരോഗ്യ മന്ത്രി പറഞ്ഞു
