സിൽവർ ലൈൻ പദ്ധതിയില് സര്ക്കാരിന് നേരെ വിമര്ശനവുമായി ഹൈക്കോടതി.ഡിപിആറിന് കേന്ദ്രത്തിന്റെ അനുമതി ഇല്ലെന്നിരിക്കെ സാമൂഹികാഘാത പഠനം നടത്തിയിട്ട് എന്ത് ഗുണമെന്ന് ഹൈക്കോടതി ചോദിച്ചു.ഇല്ലാത്തൊരു പദ്ധതിക്ക് വേണ്ടി എല്ലാവരും തെരുവില് നാടകം കളിക്കുകയാണെന്ന് കോടതി പരിഹസിച്ചു. പദ്ധതിയുടെ പേരില് ഇത്രയധികം പണം ചെലവാക്കിയത് എന്തിനാണ്? ഇപ്പോള് പദ്ധതി എവിടെയെത്തി നില്ക്കുന്നു? ഇത്രയധികം പ്രശ്നങ്ങള് ഉണ്ടാക്കിയതിന് ആര് സമാധാനം പറയും തുടങ്ങിയ ഇടത്തുതന്നെയാണ് ഇപ്പോഴും പദ്ധതി നില്ക്കുന്നത്. ചോദ്യങ്ങള് ചോദിക്കുന്ന തന്നെ സര്ക്കാര് ശത്രുവായി കാണുന്നുവെന്നും ജസ്റ്റിസ് ദേവന് രാമചന്ദ്രന് പറഞ്ഞു.സില്വര്ലൈന്റെ സാമൂഹികാഘാത പഠനം തടയണമെന്നാവശ്യപ്പെട്ടുള്ള ഒരു കൂട്ടം ഹര്ജികളാണ് ഹൈക്കോടതി ഇന്ന് പരിഗണിച്ചത്. വാദത്തിനിടെ, സില്വര് ലൈന് പദ്ധതിയുമായി ബന്ധപ്പെട്ട് സംസ്ഥാന സര്ക്കാരിനെതിരെ രൂക്ഷവിമര്ശനമാണ് ഹൈക്കോടതിയുടെ ഭാഗത്ത് നിന്ന് ഉണ്ടായത്.അതേസമയം പദ്ധതിയുമായി ബന്ധപ്പെട്ട് പ്രതിഷേധക്കാര്ക്കെതിരെ എടുത്ത ക്രിമിനല് കേസുകള് പിന്വലിക്കില്ലെന്ന് സംസ്ഥാന സര്ക്കാര് ഹൈക്കോടതിയില്. സാമൂഹികാഘാത പഠനം നിര്ത്തിവെച്ചിരിക്കുകയാണ്. എന്നാല് പദ്ധതിയില് നിന്ന് പിന്മാറിയിട്ടില്ലെന്നും സംസ്ഥാന സര്ക്കാര് കോടതിയെ ധരിപ്പിച്ചു.
നിലവില് സര്വ്വേ നിര്ത്തിവെച്ചിരിക്കുകയാണെന്നും അതിനാല് സര്വ്വേയുമായി ബന്ധപ്പെട്ട് ഹര്ജിക്കാര്ക്ക് മറ്റു പ്രശ്നങ്ങള് ഒന്നും ഇല്ലാത്ത സാഹചര്യത്തില് ഹര്ജികള് തീര്പ്പാക്കിയതായും ഹൈക്കോടതി അറിയിച്ചു.
