ഖത്തര് ഫിഫ ലോകകപ്പ് പോരാട്ടം നേരിട്ട് കാണാൻ മലയാളത്തിന്റെ സൂപ്പര് താരങ്ങളായ മമ്മൂട്ടിയും മോഹന്ലാലും.ഖത്തര് മിനിസ്ട്രിയുടെ അതിഥിയായാണ് മോഹന്ലാല് മത്സരം കാണാന് എത്തുന്നത്. ഫുട്ബോളിനോടുള്ള കേരളത്തിന്റെ സ്നേഹം അറിയിക്കുന്ന മോഹന്ലാലിന്റെ ട്രിബ്യൂട്ട് സോംഗ് ഖത്തറില് വച്ച് പുറത്തിറക്കിയിരുന്നു.ഫൈനൽ പോരാട്ടത്തിന് സാക്ഷിയാകാന് മലയാളത്തിന്റെ പ്രിയ നടന് മോഹന്ലാലിന് പിന്നാലെയാണ് മമ്മൂട്ടിയും ഖത്തറിലെത്തിയത്. ഖത്തറില് മമ്മൂട്ടിക്ക് വന് വരവേല്പ്പാണ് ലഭിച്ചത്. ഏറ്റവും വലിയ കായിക മാമാങ്കത്തിന് സാക്ഷ്യം വഹിക്കാൻ ലോകം ദോഹയിലെ ലുസൈൽ സ്റ്റേഡിയത്തിലേക്ക് ഇറങ്ങുമ്പോൾ ഏറ്റവും അർഹതയുള്ള ടീമിന് ലോകകപ്പ് ട്രോഫി ഉയർത്താൻ സാധിക്കട്ടെയെന്ന് മമ്മൂട്ടി ആശംസകള് നേര്ന്നു.ഇന്ന് രാത്രി 8.30നാണ് അർജന്റീനയും ഫ്രാൻസും ദോഹയിലെ ലുസൈൽ സ്റ്റേഡിയത്തിൽ ഏറ്റുമുട്ടുക. ഇരു ടീമുകളും തങ്ങളുടെ മൂന്നാമത്തെ ലോകകിരീടം തേടിയാണ് ഫൈനലിനിറങ്ങുന്നത്.
