കോഴിക്കോട് മാവൂര് റോഡില് മൊഫ്യൂസില് ബസ് സ്റ്റാന്ഡിന് സമീപം ബസ് സ്കൂട്ടറിലിടിച്ച് യാത്രക്കാരിയായ യുവതി മരിച്ചു.പാലാഴി പത്മാലയത്തില് രശ്മി (38)യാണ് മരിച്ചത്. ചൊവ്വാഴ്ച ഉച്ചയ്ക്ക് 12.20- ഓടെ മാവൂര് റോഡില് മൊഫ്യൂസില് ബസ് സ്റ്റാന്ഡിന് സമീപമാണ് അപകടം.അമിത വേഗതയിയിലെത്തിയ സ്വകാര്യ ബസ് രശ്മി ഓടിച്ച സ്കൂട്ടറില് ഇടിക്കുകയായിരുന്നു.ബസ്സിടിച്ചതോടെ നിയന്ത്രണം നഷ്ടപ്പെട്ട സ്കൂട്ടറില്നിന്ന് യുവതി ബസിനടിയിലേക്ക് തെറിച്ചുവീണു. ശരീരത്തിലൂടെ ബസിന്റെ പിന്ചക്രം കയറി ഗുരുതരമായി പരിക്കേറ്റു. സമീപത്തെ സ്വകാര്യ ആശുപത്രിയിലെത്തിച്ചെങ്കിലും രാത്രി 11.20-ഓടെ മരിച്ചു. അപകടം നടന്നയുടന് ഡ്രൈവര് ഓടി രക്ഷപ്പെടുകയായിരുന്നു. ബസ് ജീവനക്കാരുടെ പേരില് കേസെടുത്തു. . മക്കൾ: നിവേദ്യ (11), നീരവ് (5) (ഇരുവരും ചേവായൂർ ഭവൻസ് സ്കൂൾ വിദ്യാർഥികൾ).
