ഇ പി ജയരാജന് വൈദേകം റിസോര്ട്ടിലെ സാമ്പത്തിക പങ്കാളിത്തം സംബന്ധിച്ച് ഉയർന്ന ആരോപണങ്ങളിൽ സ്ഥാപനത്തിന്റെ സിഇഒ തോമസ് ജോസഫ് രംഗത്ത്.ഇതില് ഇ പി ജയരാജന് പങ്കാളിത്തമില്ല. അദ്ദേഹത്തിന്റെ മകന് ജയ്സണ് രണ്ടു ശതമാനം ഓഹരിയുണ്ട്. റിസോര്ട്ടിന്റെ ഡയറക്ടറുമാണ്. ജയരാജന്റെ ഭാര്യ ഇന്ദിരയ്ക്കും ഓഹരിയുണ്ട്. ഭാര്യ 30 വര്ഷത്തോളം സഹകരണ ബാങ്കില് ജോലി ചെയ്ത ശേഷം വിരമിച്ചപ്പോള് കിട്ടിയ ആനുകൂല്യത്തിന്റെ ഒരു പങ്കാണ് വൈദേകം ആയുര്വ്വേദ വില്ലേജില് നിക്ഷപിച്ചത്. അതൊന്നും കോടികളല്ല. അത് പ്രചാരണം മാത്രമാണ്. ഇപിയുടെ മകനും ഭാര്യയും ഡയറകടര് ബോര്ഡിലുണ്ട്. ഷെയര് ഹോള്ഡര്മാരില് ചിലര് വിദേശത്താണ്. അവരുടെ താപര്യപ്രകാരമാണ് നാട്ടിലുള്ളവര് ഡയറക്ടര് ബോര്ഡില് എത്തിയത്. അല്ലാതെ അവരുടെ ഓഹരി പങ്കാളിത്തം വലുതായത് കൊണ്ടല്ല. ഇപിയുടെ മകന്റെ ഷെയര് ഒന്നരശതമാനമേ വരുന്നുള്ളൂ. ഇപിയുടെ മകന് സ്ഥാപനത്തിന്റെ ആറ് സ്ഥാപക ഡയറക്ടര്മാരില് ഒരാള് മാത്രമാണ്. 2014ലാണ് മകന് ഡയറക്ടര് ബോര്ഡില് ഉള്പ്പെട്ടത്. അന്ന് ഇപി ജയരാജന് മന്ത്രിയോ മുന്നണി കണ്വീനറോ അല്ലെന്നും അദ്ദേഹം വ്യക്തമാക്കി,ആരോപണങ്ങള്ക്ക് പിന്നില് ഗൂഢാലോചനയുണ്ട്. ഇതിന് പിന്നില് ആരെന്ന്, ലഭിച്ച തെളിവുകള് പരിശോധിച്ച ശേഷം കമ്പനി എന്ന നിലയില് ഉത്തരവാദിത്തപ്പെട്ട ആളുകള് പിന്നീട് പറയും. മുന് എംഡിയും ഇപ്പോഴും ഡയറക്ടര് ബോര്ഡ് അംഗവുമായ രമേഷ് കുമാര് തെറ്റായ വിധത്തില് പ്രവര്ത്തിക്കുന്നു എന്ന സൂചനകളുണ്ട്. വിവാദങ്ങളില് ഇ പി ജയരാജന് ആശങ്കപ്പെടേണ്ട കാര്യമില്ല. ഇതിലേക്ക് ഇ പി ജയരാജനെ വലിച്ചിഴയ്ക്കുന്നത് മാധ്യമശ്രദ്ധയ്ക്ക് വേണ്ടിയാണ്. വിവാദങ്ങളില് ജയരാജന് ആശങ്കപ്പെടുന്നുണ്ട് എന്ന് തോന്നുന്നില്ല. കാരണം അദ്ദേഹത്തിന് അതില് ഭയക്കാന് ഒന്നുമില്ല.
