അധോലോക രാജാവായി അറിയപ്പെടുന്ന രാജേന്ദ്ര നികല്ജെ എന്ന ഛോട്ടാരാജന്റെ ചിത്രം സഹിതമുള്ള പോസ്റ്ററുകള് സ്ഥാപിച്ചതിന് മുംബൈയില് ആറുപേര് അറസ്റ്റില്. , ഇതോടനുബന്ധിച്ച് മലാഡിലെ കുരാർ ഗ്രാമത്തിൽ കബഡി മത്സരം സംഘടിപ്പിക്കും എന്നും പോസ്റ്ററിൽ പറഞ്ഞിട്ടുണ്ട്. മലാദിലാണ് ഛോട്ടാരാജന്റെ ജന്മദിനാഘോഷത്തിന്റെ ഭാഗമായി സംഘടിപ്പിക്കുന്ന കബഡി മത്സരത്തിന്റെ വിശദാംശങ്ങള് അടങ്ങിയ കൂറ്റന് പോസ്റ്റര് സ്ഥാപിച്ചിരുന്നത്. സംഭവം വിവാദമായതോടെ പോലീസ് പോസ്റ്ററുകള് നീക്കംചെയ്യുകയും സംഘാടകരെ കസ്റ്റഡിയിലെടുക്കുകയുമായിരുന്നു.ജനുവരി 13 -ന് രാത്രിയിലാണ് പോസ്റ്ററുകൾ പതിച്ചത്. പോസ്റ്ററിൽ പറയുന്നത് പ്രകാരം ജനുവരി 14, 15 തീയതികളിൽ വൈകുന്നേരം 6 മണിക്കാണ് കബഡി ടൂർണമെന്റ് നടത്താൻ നിശ്ചയിച്ചിരുന്നത്. എന്നാൽ, അന്വേഷണവും അറസ്റ്റും വന്നതോടെ ടൂർണമെന്റ് റദ്ദാക്കിയിരിക്കുകയാണ്. 2011-ൽ മുംബൈയിൽ മാധ്യമപ്രവർത്തകൻ ജെ ഡേയെ കൊലപ്പെടുത്തിയ കേസിൽ ജീവപര്യന്തം തടവിന് ശിക്ഷിക്കപ്പെട്ട് തിഹാർ ജയിലിൽ കഴിയുകയാണ് ഇപ്പോൾ ഛോട്ടാ രാജൻ.
