പാകിസ്ഥാനില് പെഷാവറിലെ പള്ളിയില് ചാവേറാക്രമണത്തിൽ 28 പേര് മരിച്ചു. 150 പേര്ക്ക് പരിക്കേല്ക്കുകയും ചെയ്തിട്ടുണ്ട്. പെഷവാറില് അഫ്ഗാന് അതിര്ത്തിയോടു ചേര്ന്ന പ്രദേശത്തെ പള്ളിയില് ഉച്ചസമയത്തെ നമസ്കാര ചടങ്ങുകള്ക്കിടയിലാണ് സ്ഫോടനം ഉണ്ടായത്.ആക്രമണത്തില് മസ്ജിദ് ഭാഗികമായി തകര്ന്നു.മേഖല മുഴുവന് പൊലീസ് സീല് ചെയ്തു. ആംബുലന്സുകള് ഒഴികെയുള്ള ഒരു വാഹനവും കടത്തിവിടുന്നില്ല. പരുക്കേറ്റ ഒട്ടേറെപ്പേരുടെ നില അതീവഗുരുതരമാണെന്ന് പെഷാവറിലെ ലേഡി റീഡിങ് ആശുപത്രി വക്താവ് മുഹമ്മദ് അസീം അറിയിച്ചു.
സ്ഫോടനത്തില് കെട്ടിടം ഭാഗികമായി തകര്ന്നു. അവശിഷ്ടങ്ങള്ക്കടിയില് ആളുകള് കുടുങ്ങിയിട്ടുണ്ടെന്നും ഇവരെ രക്ഷിക്കാന് ശ്രമം തുടരുകയാണെന്നും പൊലീസ് ഉദ്യോഗസ്ഥര് അറിയിച്ചു.
