താമരശ്ശേരി: താമരശ്ശേരിയിൽ വീണ്ടും മോഷണം. താമരശ്ശേരി പോലീസ് സ്റ്റേഷൻ ചുറ്റുമതിലിനോട് ചേർന്ന സ്വർണമുരുക്കുന്ന മഹാരാഷ്ട്ര സ്വദേശി വിനോദ് വസന്തിൻ്റെ സ്ഥാപനത്തിലാണ് മോഷണം നടന്നത്. 15000 രൂപയിൽ അധികം വിലവരുന്ന സ്വർണത്തരികളാണ് മോഷണം പോയത്. ഇന്നലെ പുലർച്ചെയാണ് സംഭവം. സ്ഥാപന ഉടമ വിനോദ് വസന്ത് പോലീസിൽ പരാതി നൽകി.
മുണ്ടുടുക്കാത്ത മോഷ്ടാവ് പിന്നീട് സമീപത്തെ ശ്രീഹരി ഹോട്ടലിൻ്റെ പുറകുവശത്തുകൂടെ ഹോട്ടലിന് അകത്ത് കടക്കാൻ ശ്രമിച്ചെങ്കിലും പരാജയപ്പെട്ടു, ഹോട്ടലിനു പുറകിൽ ഉണക്കാനിട്ട തൊഴിലാളിയുടെ ലുങ്കിലും ഉടുത്താണ് അവിടെ നിന്നും സ്ഥലം വിട്ടത്. ഈ ദൃശ്യങ്ങൾ ഹോട്ടലിലെ സിസിടിവിയിൽ പതിഞ്ഞിട്ടുണ്ട്.
