സഹായി വെല്ഫെയര് സൊസൈറ്റി പാലത്തിന്റെ കീഴിലുള്ള സംഗമം അയല്കൂട്ടായ്മ അംഗങ്ങളുടെ SSLC – +2 വിജയികളായ മക്കളെ അനുമോദിക്കുകയും ഈദ് സുഹൃദ് സംഗമവും സംഘടിപ്പിച്ചു. പാലത്ത് അല് മദ്റസത്തുല് ഇസ്ലാമിയയില് വെച്ച് നടന്ന പരിപാടി സഹായി വെല്ഫെയര് സൊസൈറ്റി രക്ഷാധികാരി ശിഹാബുദ്ദീന് ഇബ്നു ഹംസ ഈദ് സന്ദേശം കൈമാറി ഉദ്ഘാടനം ചെയ്തു. കൊടുവള്ളി സബ്ഡിസ്ട്രിക്ട് AEO സി.പി അബ്ദുല് ഖാദര് മാസ്റ്റര് വിജയികളെ അനുമോദിച്ചു .ഇന്ദിര, സൗദാബി തുടങ്ങിയവര് സംസാരിച്ചു.സഹായി പ്രസിഡന്റ് ഡോ. മുഹമ്മദ് പാലത്ത് അധ്യക്ഷത വഹിച്ച പരിപാടിയില് സെക്രട്ടറി അബ്ദുല് ഗഫൂര് സ്വാഗതവും ജോയിന് സെക്രട്ടറി ബഹാസ് നന്ദിയും പറഞ്ഞു.
