താനൂരിൽ പോലീസ് കസ്റ്റഡിയിൽ മരിച്ച താമിര് ജിഫ്രിയുടെ പോസ്റ്റ് മോർട്ടം റിപ്പോർട്ട് പുറത്ത്. താമിറിന് ക്രൂരമായി മർദ്ദനമേറ്റതായി പോസ്റ്റ് മോർട്ടം റിപ്പോർട്ടിൽ പറയുന്നു. താമിറിന്റെ ശരീരത്തില് 13 പരുക്കുകളുണ്ടായിരുന്നു. ശരീരമാസകലം മര്ദനമേറ്റ പാടുകളുണ്ടെന്നും പോസ്റ്റ്മോര്ട്ടം റിപ്പോര്ട്ടിലുണ്ട്.
താമിറിനെ കസ്റ്റഡിയിലെടുത്തത് നിയമാനുസൃതമായിട്ടല്ലെന്നും ചില ഇന്റലിജന്സ് വിവരങ്ങള് സൂചിപ്പിക്കുന്നു. നടുവിന്റെ കീഴ്ഭാഗത്ത്, തുടയില്, കാലിന്റെ അടിഭാഗത്ത് എന്നിവിടങ്ങളിലെല്ലാം താമിറിന് മര്ദനമേറ്റിരുന്നതായി പോസ്റ്റ്മോര്ട്ടം റിപ്പോര്ട്ട് അടിവരയിടുന്നു. ലാത്തി ഉപയോഗിച്ചാണ് താമിറിന് മര്ദനമേറ്റതെന്ന സംശയവും ബലപ്പെടുകയാണ്.
താമിര് ജിഫ്രി ഉള്പ്പടെ ലഹരിയുമായി പ്രതികളെ പൊലീസ് കസ്റ്റഡിയില് എടുക്കുന്നത് തിങ്കളാഴ്ച്ച വൈകുന്നേരം 3:30 നാണ്. ഇവരെ താനൂര് പൊലീസ് സ്റ്റേഷനില് എത്തിച്ചത് രാത്രി 1:45നാണ്.അതുവരെ പൊലീസ് ക്വട്ടേഴ്സില് പാര്പ്പിച്ചു മര്ദിച്ചെന്ന ആരോപണവും ശക്തമാണ്. താനൂര് കസ്റ്റഡി മരണത്തില് സംസ്ഥാന സ്പെഷ്യല് ബ്രാഞ്ച് അന്വേഷണം നടക്കുകയാണ്.
