പുതുപ്പള്ളി നിയമസഭാ തെരഞ്ഞെടുപ്പില് യുഡിഎഫ് സ്ഥാനാര്ഥി നാമനിർദേശ പത്രികയ്ക്ക് ഒപ്പം കെട്ടിവയ്ക്കാനുള്ള പണം നൽകുന്നത് മുന് സിപിഎം പ്രവര്ത്തകന് സിഒടി നസീറിന്റെ ഉമ്മ. കണ്ണൂരില് വച്ച് ഉമ്മന്ചാണ്ടിയെ കല്ലെറിഞ്ഞ കേസിലെ പ്രതിയാണ് സിഒടി നസീര്. യുഡിഎഫ് തെരഞ്ഞെടുപ്പ് കമ്മറ്റി ഓഫീസില് വച്ച് തുക കൈമാറും. പാര്ട്ടി വിരുദ്ധ പ്രവര്ത്തനം നടത്തിയതിന് സിപിഎം സിഒടി നസീറിനെ പുറത്താക്കിയിരുന്നു. കേസ് നടക്കുന്നതിനിടെ പ്രതികൾക്ക് അനുകൂലമായ നിലപാട് ഉമ്മൻചാണ്ടി എടുത്തിരുന്നു.ചാണ്ടി ഉമ്മന് ഇന്ന് നാമനിര്ദ്ദേശ പത്രിക സമര്പ്പിക്കും. പുതുപ്പള്ളി പള്ളിയിലെ പ്രാര്ത്ഥനകള്ക്ക് ശേഷം പാമ്പാടി ഇലക്ഷന് കമ്മിറ്റി ഓഫീസ് സന്ദര്ശിച്ച ശേഷം രാവിലെ 11.30ന് പള്ളിക്കത്തോടുള്ള പാമ്പാടി ബ്ലോക്ക്ഡെവലപ്പ്മെന്റ് ഓഫീസിലെത്തിയാണ് പത്രിക സമര്പ്പിക്കുക.
