തിരുവനന്തപുരം :കേരളീയം ഉദ്ഘാടനത്തിന് പങ്കെടുക്കാത്ത കുടുംബശ്രീ അംഗങ്ങൾക്കെതിരെ ഭീഷണി മുഴക്കി. തിരുവനന്തപുരം കോർപറേഷനിലെ സിഡിഎസ് ചെയർപേഴ്സൺ സിന്ധു ശശി ആണ് ഭീഷണി മുഴക്കിയത്. വാട്സ്ആപ്പിലൂടെയാണ് സിന്ധുവിന്റെ പിഴ ഭീഷണി. കുടുംബശ്രീ അംഗങ്ങൾ 250 രൂപ പിഴയടക്കണമെന്ന് കാണിച്ച് കുടുംബശ്രീ അംഗങ്ങളുടെ വാട്സ്ആപ്പ് ഗ്രൂപ്പിലാണ് ശബ്ദ സന്ദേശം ഇട്ടത്. സംഭവം വിവാദമായതോടെ ഓഡിയോ സന്ദേശം സിന്ധു ശശി ഡിലീറ്റ് ചെയ്തു. പണം വാങ്ങാൻ ഉദ്ദേശമുണ്ടായിരുന്നില്ലെന്നും ഉദ്ഘാടനത്തിന് പങ്കെടുത്തവർ പരാതി ഉന്നയിച്ചപ്പോൾ ഓഡിയോ ഇട്ടതാണെന്നും സിന്ധു ശശി പിന്നീട് വിശദീകരിച്ചു. സിപിഎം പ്രാദേശിക നേതാവായ സിന്ധു ശശി തിരുവനന്തപുരം കോർപറേഷൻ മുൻ കൗൺസിലർ കൂടിയാണ്.
