മിനി പാർക്ക് നിർമ്മാണം: പാർക്ക് നിർമ്മിക്കണമെന്നാവശ്യപ്പെട്ട് പന്തീർപാടം പൗരസമിതി നിവേദനം നൽകി

മിനി പാർക്ക് ആവശ്യവുമായി പന്തീർപാടം പൗരസമിതി. പന്തീർപ്പാടം തേവർ കണ്ടി റോഡിന്റെ നവീകരണ പ്രവൃത്തികൾ അവസാനഘട്ടത്തിലേക്ക് കടക്കുന്നു. ഇതിനോടനുബന്ധിച്ച്, പന്തീർപാടം അങ്ങാടിയിലെ പൊതു കിണറിനോട് ചേർന്ന സ്ഥലത്ത് ഒരു മിനി പാർക്ക് നിർമ്മിക്കണം എന്നാണ് പൗരസമിതി ആവശ്യം. ഇതിന് ആവശ്യമായ നടപടികൾ സ്വീകരിക്കണമെന്ന് ആവശ്യപ്പെട്ടുകൊണ്ടുള്ള നിവേദനം കുന്ദമംഗലം ഗ്രാമ പഞ്ചായത്ത് പ്രസിഡന്റ് ലിജി പുൽക്കുന്നുമ്മലിനും ഗ്രാമ പഞ്ചായത്ത് സെക്രട്ടറിക്കും പന്തീർപാടം പൗരസമിതി സമർപ്പിച്ചു.